1 Peter 1:3 - Lubuagan Kalinga

³ Machaychayaw si Apudyus un Aman Apu takuʼn Jesu Kristu! Gapu si amod un kachegula, illidchola kan chitaku baruʼn biyeg mipagapu si ummuliyan Jesu Kristu lataguwan. Ked ha lamlama taku illidchon chi allaʼn baruʼn biyeg.

1 Peter 1:3 ပူးပေါင်းရင်းမြစ်များ

John 1:13

Achipuncha mambyalin aalak Apudyus si sigud un miyalakan chi tagu willu miyalak un alak cha man-asawa, ngim mipagapu si pallakabyelin Apudyus.

Romans 12:12

Ked makaganggalas taku gapu si lamlama taku, alu-alusan taku cha ligat, ya ipapati takuʼn malluwalu.

Romans 15:13

Iluwaluk kan Apudyus un lampeɏpuwan chi lamlama taku, ta pagalasola chikayu ya palin-awaola somsomokyu gapu si pammatiyu ta pakoskoscheɏola lamlamayu kan siya gapu si kilabyelin chi Ispiritun Apudyus.

Romans 4:25

Ti si Jesu Kristu, siya inchuyan Apudyus un mapatoy ta mamayedla kan cha byasuɏ taku, ot kasinla siya tilagu ta miibilang taku lalintog.

Romans 5:10

Ti si awi, kabusuɏ chitaku kan Apudyus. Ngim si sala, pilaulin Apudyus chi mambibiɏulan taku kan siya gapu si latoyan chi Alakla. Ked si salaʼn bibiɏun chitaku kan Apudyus, sigulachuʼn matatagu taku gapu ta kasin latagu si Kristu.

Romans 8:11

Ked lu awed kan chitaku Ispiritun Apudyus un kasin lalagu kan Jesu Kristu, taguwola bo cha allaʼn long-eg taku gapu si Ispiritula un inggew kan chitaku.

Romans 8:24

Ti lamlamaon taku un matagu taku, ngim lu mamàila lamlamaon taku, chakampun un tuttuwaʼn lamlama. Ti silu mallamlama si itutullongla?

1 Corinthians 13:13

Ked abus cha tiɏuʼn mallalayun iinggew kan chitaku. Ha umula, siya pammati taku kan Apudyus, ked ha mikadwa, ha lamlama taku mipagapu kan Jesu Kristu. Ked ha mikatlu, ayat un siya kapopotgen kan chicha losan.

1 Corinthians 15:20

Ngim ha katuttuwaan, tuttuwaʼn ummuli latagu si Kristu, ked siya kaulaan un ummuli latagu ked hachi maluttuwaan un kasin Apudyus taguwon cha losan un latoy.

2 Corinthians 1:3

Manyaman taku kan Apudyus un Aman Apu takuʼn Jesu Kristu, ti siya Ama takuʼn malagchegu ya Apudyus takuʼn malagliwliwa.

Galatians 6:16

Ked chikayuʼn maluttuwa kan cha allaʼn intudtuchuk, sapay otyan ta mallin-awaon Apudyus cha somsomokyu ya kacheguwala chikayu ti hachi makwa kan cha losan un tuttuwan tagun Apudyus.

Ephesians 1:17

Ya iluwaluk kan Apudyus, un patunged machaychayaw un Ama taku ya siya ustuʼn Apudyus ya Aman Jesu Kristu un Apu taku, ta idchen chikayu si kilalaing un mampeɏpu si Ispiritun Apudyus ya ipakaammula bo kan chikayu mipanggop kan siya.

Ephesians 1:3

Igettok takuʼn chaychayawon si Apudyus, un Aman Jesu Kristu un Apu taku ti ha litimpuyugen taku kan Kristu, illidchon Apudyus kan chitaku cha losan un bumaɏuwan un lampeɏpuʼd langit mipagapu si Ispiritula.

Ephesians 1:7

Gapu si latoyan Kristu, un libukbukan chi chaɏala, lawayawayaan taku ya lapakawan cha byasuɏ taku. Ked allaya main-an chi amod un kachegula

Ephesians 2:4

Ngim si Apudyus, lappun miyisuwan chi ayatla kan chitaku, ya lappun bo miyisuwan chi manchechegula,

Ephesians 3:20

Ulay silu kochewon taku kan Apudyus, makwa un chog-ala cha koola lu kochewon taku willu somsomkon taku, ti lappun kiged chi pallakabyelinla, ti ulay lu achipun taku makasomsomok, makwa kan siya. Ti ha pallakabyelinla, mangkawachi kan chitaku ta matuɏungan taku.

Colossians 1:23

Ngim masapuɏʼn ituɏuyyu pammatiyu, ya masapuɏʼn popotpotanyu pammatiyu. Ya ammanyu ilan ta achiyu maliwatan chi lamlamayu un ibyegbyegan chi bibiɏuʼn chameg un chingngeɏyu. Ha allaʼn bibiɏuʼn chameg ked libyegbyega si intilun chi lubung ked sakon si Paul un osaʼn mansimsimbi.

Colossians 1:27

Simsimmok Apudyus un ipakaammula kan cha tagula litataɏuʼn bumaɏuwan ya michayawan cha losan un Gentil. Allaya lakaskaschaaw un impakaammun Apudyus: inggew si Kristu kan chikayu, ti siya lamlamayu un mipati si biyeg ud langit.

1 Thessalonians 1:3

ti sosomkonmi cha bibiɏuʼn pin-ayu koon mipagapu si pammatiyu ya ha kilalagpotyu un mansimbi gapu si ayatyu kan Apudyus ya kilaalusyu un lampeɏpu si lamlamayu kan Apu takuʼn Jesu Kristu.

1 Thessalonians 4:13

Susulud, awed chi pionmiʼn ipakaammu kan chikayu taplu maaawwatanyu mipanggop kan cha mamati un lagamput langkakatoy taplu achipun kayu patunged manchachauy un isun cha uchum un taguʼn lappun lamlamacha.

2 Thessalonians 2:16

Iluwaluk kan Apu takuʼn Jesu Kristu ya Ama takuʼn Apudyus ta pakoskoscheɏoncha somsomokyu ya tuɏungan chikayu taplu pasig bibiɏu cha losan un koonyu ya ibyegayu. Impailan Apudyus chi ayatla kan chitaku, ya mipagapu si kachegula langidchela si masegagen taku un lappun kigedla ya ha bibiɏuʼn lamlama taku.

1 Timothy 1:14

Ngim amod chi manchechegun Apu taku kan sakon ti illidchela sakon si pammatik ya ayat un mangay-ayat si asintataguk ti litimpuyugak kan Jesu Kristu.

Titus 2:13

si manguuwayan taku si lamlama taku un mipain-an chi kilachayaw Jesu Kristu un kangatuwan un Apudyus taku ya Malagu kan chitaku.

Hebrews 3:6

Ngim si Jesu Kristu, mantegochen un Alak un mangayyuwan si paminyan Apudyus. Ked chitaku paminyan Apudyus lu ituɏuy taku un siteteɏod ya popotpotan taku lamlama taku.

James 1:18

Gapu si simsimmokla, lambyalilola chitaku aalakla gapu si lamatiyan taku si ugudlaʼn katuttuwaan ked chitakuʼn aalakla chi kapotogen kan cha losan un killingwala.

1 Peter 1:13

Ked isagalayu somsomokyu un mangwa si pion Apudyus. Man-alled kayu ya popotpotanyu lamlama takuʼn binchisyun un maitod kan chikayu si mangulilan Jesu Kristu.

1 Peter 1:21

Gapu kan siya lamati kayu, mantegod kayu kan Apudyus un langipauli lalagu kan siya ya langipachayaw kan siya. Taplu ha pammatiyu ya lamlamayu awed kan Apudyus.

1 Peter 1:23

ti liyalak kayu kasin, ked ha baruʼn biyegyu ked chakampun un lampeɏpu si taguʼn mamattoy, ngim lampeɏpu si matattagu ya mallalayun un ugud Apudyus.

1 Peter 2:2

Isuyu kàiyalak un piolaʼn sumusususu, kamatchi otyan chi mallalayedyu un mangad-acheɏ si ugud Apudyus ta kumoscheɏ pammatiyu ya matatagu kayu ing-inggala.

1 Peter 3:15

ngim siyad potgonyu si Kristu un Apu. Ya pasig kayu makasagala un malongbyat kan cha mangimus mipanggop si lamlama un awed kan chikayu.

1 Peter 3:21

Ked ha miyaligen chi chelum, isun chi bunyeg un mangipaila si mataguwan taku si sala. Chakampun un mauɏasan chi kaisaw si long-eg, ngim mangkariyan kan Apudyus gapu si mampeɏkas un somsomok. Siya malagu kan chikayu gapu si ummuliyan Jesu Kristu lataguwan,

1 Peter 3:5

Katla killingwan cha lamati un byebbyebyai si awi un lantegodcha kan Apudyus ya impabyabyacha long-egcha si asawacha.

1 John 2:29

Tuttuwaʼn ammuyu un lalintog si Kristu. Masapuɏ un ammuyu un aalak Apudyus cha losan un pin-a mangwa si ustu.

1 John 3:3

Ked cha losan un mallamlama un miyisucha kan Kristu, masapuɏʼn mampeɏkas chi biyegcha un isun Kristu.

1 John 3:9

Ked ha taguʼn lambyalin alak Apudyus, achipunla ituɏutuɏuy makabyasuɏ ti awed kan siya somsomok Apudyus. Ked gapu ta ilalak Apudyus siya, achipun makwa un ituɏutuɏuyla makabyasuɏ.

1 John 4:7

Bubuɏunku, man-asiayat taku ti si Apudyus chi puun chi ayat. Ked ha mangay-ayat kan cha susuludla, lalaweg un siya ked alak Apudyus ya ammula si Apudyus.

1 John 5:1

Cha losan un mamati un si Jesus chi Kristu un imbuun Apudyus utla pita, ked alak Apudyus. Ked lu silu mangay-ayat si Ama, ay-ayatola bo aalak chi Ama.

1 John 5:18

Ammu taku un lappun alak Apudyus un ituɏutuɏuyla mambyasbyasuɏ, ti seɏaklibyen chi mismuʼn Alak Apudyus siya ked achipun si Satalas makatikchin kan siya.

1 John 5:4

ti cha losan un alak Apudyus, eɏgoncha cha kilalawwing utla lubung un sumupling kan Apudyus. Ked ha pammati taku kan Jesu Kristu, siya mangɏogen taku.