لوقا 5:15 - Hindu Sindhi Bible

¹⁵ يسوع بابت اهي ڳالهيون هنڌين ماڳين پکڙجي ويون. سو ماڻهن جا وڏا ميڙ اچي هن وٽ گڏ ٿيندا هئا، تہ جيئن هن جون ڳالهيون ٻڌن ۽ پنهنجين بيمارين کان ڇٽي چڱا ڀلا ٿين.

Sindhi Bible

¹⁵ پر پاڻ وڌيڪ سندس نالو ماڻهن ۾ پکڙجي ويو؛ ۽ سندس تعليم ٻڌڻ، ۽ پنهنجين بيمارين کان ڇُٽڻ لاءِ ماڻهن جا وڏا ميڙاڪا اچي مڙيا.

Muslim Sindhi Bible

¹⁵ عيسيٰ بابت اهي ڳالهيون هنڌين ماڳين پکڙجي ويون. سو ماڻهن جا وڏا ميڙ اچي هن وٽ گڏ ٿيندا هئا، تہ جيئن هن جون ڳالهيون ٻڌن ۽ پنهنجين بيمارين کان شفا پائين.

Sindhi Bible (India)

¹⁵ परअ त बी येशुअ जे बारे में इहे गा॒ल्यूं अञा फैलजंदियूं वयूं ऐं भीड़अ जी भीड़अ हुन खे बु॒धण जे लाए ऐं पांजी बीमारियुन मां ठीक थ्यण जे लाए संदस वट अचण लगी॒।

Common Language New Testament

¹⁵ عيسيٰ بابت اھي ڳالھيون ھنڌين ماڳين ھُلي ويون ۽ ماڻھن جا وڏا ميڙ اچي مڙيا تہ ھن جي تعليم ٻڌن ۽ پنھنجين بيمارين کان شفا پائين.

لوقا 5:15 ပူးပေါင်းရင်းမြစ်များ

متي رسول جي معرفت پاڪ انجيل 9:26

هي واقعو انهيءَ علائقي جي ڪنڊڪڙڇ ۾ پکڙجي ويو.

متي رسول جي معرفت پاڪ انجيل 9:31

پر انهن علائقي جي ڪنڊڪڙڇ ۾ يسوع جي مشهوري پکيڙي ڇڏي.

مرقس 1:28

جلد ئي هن جي هاڪ گليل جي سڄي علائقي ۾ جتي ڪٿي پکڙجي ويئي.

مرقس 1:45

پر هن وڃي اها ڳالهہ جتي ڪٿي ٻڌائي ڇڏي، جيڪا ايتري تہ پکڙجي ويئي جو پوءِ يسوع ڪنهن بہ شهر ۾ کُليءَ طرح داخل ٿي نہ سگھيو. پر هو ٻاهر ويران جاين ۾ ٿي رهيو جتي سڀني هنڌن کان ماڻهو وٽس پئي آيا.

مرقس 3:7

يسوع پنهنجي چيلن سان گڏجي گليل ڍنڍ جي پاسي نڪري ويو تہ ماڻهن جو وڏو ميڙ سندس پٺيان آيو. انهيءَ ميڙ ۾ گليل علائقي کان علاوہ يروشلم شهر سميت سڄي يهوديہ، ادوم، اردن درياءَ جي اوڀر طرف، صور ۽ صيدا شهرن جي آس‌پاس وارن علائقن جا ماڻهو بہ شامل هئا، ڇاڪاڻ تہ انهن ٻڌو هو تہ يسوع عجيب وَ غريب ڪم ٿو ڪري.

لوقا 12:1

ايتري ۾ هزارين ماڻهن جو ميڙ يسوع جي چوڌاري اچي گڏ ٿيو. اهي ماڻهو کيس ٻڌڻ لاءِ هڪٻئي تي ڳاهٽ پئي ٿيا. تڏهن يسوع انهن جي اڳيان پنهنجي چيلن کي تاڪيد ڪندي چيو تہ ”پاکنڊپائي فريسين جو خمير آهي، تنهن کان پري رهجو.

لوقا 14:25

هڪڙي دفعي ماڻهن جو هڪ وڏو ميڙ يسوع سان گڏ پئي هليو. هن ڦري ماڻهن کي چيو تہ

يوحنا 6:2

تڏهن هڪڙو وڏو ميڙ سندس پٺيان هلڻ لڳو، ڇاڪاڻ تہ هنن اهي چمتڪار ڏٺا هئا جن ۾ هن ماڻهن کي ڇٽائي چڱو ڀلو ڪيو هو.

1.تيمٿيس 5:25

ساڳيءَ طرح چڱا ڪم بہ صاف ظاهر ٿين ٿا ۽ جيڪي ظاهر نہ آهن سي بہ لڪل رهي نہ ٿا سگھن.