ZEFANIA 3:4 - PATHIAN LEKHABU IRTHIANG C.L. Bible (BSI)

⁴ A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

ZEFANIA 3:4 ပူးပေါင်းရင်းမြစ်များ

ISAIA 9:15

an luhai chu an ulian songhai an nia, an irmei chu deipu minlak tho ngaihai hi an ni.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

EZEKIELA 22:6

Israel hruaituhai lak chu, an hrâtna irnghatin, mi an thata.

EZEKIELA 44:23

Ochaihai khan ki mipuihai chu thil irthiang le irthiang loi danglam dânhai le Pathian dâna irthianghai le irthiang loihai chu irchutir an ti.

HOSEA 9:7

Raifânna nikhuahai kha a zuang tunga, thuanna nikhuahai kha a zuang tung e; Israel khan kha kha inhria a ti. Ni tho’nchâina kha a tamin an roi irsâi loina an ipêtsanna kha a’rkhêl sikin, Deipu kha an vêta, irtha nei mi kha a invêt a ni.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MALAKIA 2:7

Ochaihai hmûra chu inhriatna a ivong hrang a nia, a bâi ata dân kha an izong ngai hrang a ni; ama kha Sipaihai Rengpa tîrtôn a nia.

MALAKIA 2:8

Nangni rêk chu lampui ata nin lei pêt taka; Dâna khan mi tamtak nin intûktira; Levia thuthung kha nin insiat a ni, Sipaihai Rengpa khan a ti.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

2 KORINTH 11:13

Kha mihai kha tirtôn dik ni mahai: tirtôn dolhai, an sinthoa milak thoa, Krista tirtôn dikhai anga inlang hranga irsiam an ni.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

ROIRÊLTUHAI 9:4

Khanchu, Baal-berith an biakna in ata tangka sum sômsari an pêka, kha sum leh khan Abimeleka’n mi inriang tak tak le mi hmanghmunboihai a hruaihaia, anni’n ama an zui tâka.

1 SAMUELA 2:22

Elia kha a hong tar ok tâka; Israel mi murdihai chunga a nâihai sintho murdi leh irhmûna puan in kotbâi kôla sinthotu nupanghai an lei zâlpuihai ngai thu an hriata.