ZEFANIA 3:20 - PATHIAN LEKHABU IRTHIANG C.L. Bible (BSI)

²⁰ Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

ZEFANIA 3:20 ပူးပေါင်းရင်းမြစ်များ

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

MALAKIA 3:12

Khan, nam murdi’n vânnei nangni ti ta an ta, Ram inditom tak nin la ni hrang sikin, Sipaihai Rengpa’n a ti.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ZEFANIA 3:19

Irngai ro, kha tika chu nang ngaisaktu murdi kha ngaitua ki ti. Khan, ke’nbâi kha saninhring ki ta, Inhnotpaia om kha hruai khôm ki ti, Khan, irnêng chung murdia lei mualinphoina kha, Inpâkna le irhming inthangnaa inchangtir ki ti.

AMOSA 9:14

Khan, ki mi Israelhai kha sal ata hruai kîr nôk ki ta; khan, kho ram tâkhai kha siam nôk an ta, lua an ta. Khan, grep irhuanhai siam an ta, a uain kha in an ta: irhuanhai khom siam an ta, a ra kha fa an ti.

JOELA 3:1

“Irngai u ta, kha nikhuahai le kha zoi tika chu Juda le Jerusalem inding nôk hrang tika chu,

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

ISAIA 60:15

Nang en nuam loiin, nang an rotsana, Tûte’n nang pan nuam ta mahai. Keima hin kho hoitak nan changtir ki ti. Kumtuanga râifânna hmunin nang siam ki ti.

ZEFANIA 2:7

Khanchu, tuipui kam kha Juda sûnghaia la omsunhai ta hrang ni a ta; kha khan an belra rualhai kha tâk an ta, khohloi tiang chu Askelon khua inhaia riak an ti; Rengpa an Pathian khan hong hro a ta, An sal intângna kha irletpai a ti.

EZEKIELA 39:28

Anni chu sala intâng hrangin kin fetirhaia, khannisian atûn chu bukkhômhaiin inkhat lua masanhai loiin, an omna rama ki hong ihruai nôkna hin, mihaiin keima chu Rengpa an Pathian ngêt chu ki nih ti inhre suak ta an ti.

EZEKIELA 37:21

Khanchu Rengpa Pathianin hiang hin a ti, tiin hrilhai roh. Ki mipuihai chu, nam tinhai laia an lei fena hmunhai ata kha hruaisuakhai ki ta, bukhai ki ta, anni rama ngêt hong hruaihai ki ti.

EZEKIELA 28:25

Khan, Rengpa Pathianin hiang hin a tia, “Israelhai chu ki inthekindartirhaina ram ata kha bukkhômhai nôk ki ta, khanchu nam tinin ki’rthiangzia inhresuak an ti. Israelhai chu ki sinthotu Jakoba kuanga ki ipêk, anni ram ngêta om an ti.

ISAIA 66:22

“Irvân thar le irnêng thar ki isiam hrang chu, ki kuanga om mai a ta, khaang ngêt khan nin irchihai le nin irhminghai om mai a ti.

ISAIA 61:9

Nin irchihai chu nam tin laia inlâr an ta, an laia nin nâi omhai an hmu’n chu Rengpa indit bîk nam nin nih iti inhre thei an ti.

INPÂKNA HLAHAI 35:6

Rengpa vântirtôn irzûl maiin, An lampui chu inthim tak le irnâl tak ni ri se.

EZEKIELA 37:12

Khasikin ki mi Israelhai kuang khan thu hrilin lân, kei Rengpa Pathian ngêt hin an thânhai chu inhongtir ki ta, kêlsuahai ki ta, Israel rama hong hruaihai nôk ki ti, tiin hrilhai roh.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

EZEKIELA 16:53

Khan, “Sodom le a nâihai chu indingsuak ki ti; Samari le a nâihai khom indingsuaktir nôk ki ti; anni pâl chanpui, nang khom nang indingsuaktir ki ti.

ISAIA 62:7

Jerusalem an hong indet nôka, nam tinhai inpâk ruk hrang a ni mâka chu, Rengpa chu omchian phal no nihai.

ISAIA 56:8

Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

DÂN INHNINA 26:18

A vuan hin Rengpa khan a inkung angin a mihai ta hrang nangni a pom tak tak tâk a ni.

DÂN INHNINA 26:19

A siam, nam dang murdi nêkin nangni a roiinpuitira, an pâk irhlo nin ta, nin irhming inthang sa a ta, mi’n nangni chôiindôm an ti, a inkung ang ngeiin Rengpa nin Pathian ta hrang nam irthiang ni nin ti.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

EZEKIELA 39:13

Khanchu a ram sûnga mi tinin, anni chu phûmhai an ta, khanchu inhnêna ki chang nî sûn chu chôiindômin om an ti. Kei Rengpa Pathian hin ki iti a ni.

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.