ZEFANIA 3:2 - PATHIAN LEKHABU IRTHIANG C.L. Bible (BSI)

² Hnukirhâi kha zôm maka; halirchûna pom maka; Rengpa kha iam maka; a Pathian tiang nâi nuam ma.

ZEFANIA 3:2 ပူးပေါင်းရင်းမြစ်များ

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

INPÂKNA HLAHAI 10:4

Mi sia chu lârirpâk hmêl irputin, “Inphût no ni,” a ti ngai. A ngaituana murdi chu, “Pathian zel om mah,” ti inzen a ni.

INPÂKNA HLAHAI 50:17

Sepna hi ni khôkmâka, Ki thuhai hi hnung tiang ni pai maia.

INPÂKNA HLAHAI 73:28

Keima ta hrang rêkin chu Pathian nâi hi a isa a ni: Rengpa Pathian chu ki inzôknaa ki hmanga, Ni sintho murdi thu ki hril theina hrangin.

INPÂKNA HLAHAI 78:22

Pathian iam mahaia, A saninhringna khom an iam no sikin.

THUVÂRHAI 1:7

Rengpa chi chu inhriatna bul a ni. Khannisianlân, invêthaiin chu vârna le irchûtirna an hmusit ngai.

THUVÂRHAI 5:12

Khanchu “Itho mo ki lei irchutir loi? Itho mo mi danghai ni hrilna ki lei ipom loi?

ISAIA 1:5

Itina mo nin la inuar pe mai? vîk nin la izong mai ma ni?

ISAIA 29:13

Rengpa’n hiang hin a ti: “Hi mihai hin an bâi vaiin an ni nâia, an hmûr vaiin an ni chôiindôma, an lungrîl chu hlatak a ni. Mihriamhai thupêk ang ringota an ni insâp a ni.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 43:22

Jakoba, nangma’n chu ni koi mak chea, O Israel ni ni hnông ta.

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

JEREMIA 13:25

Hi hi ni dongtum ni hrangin a lei iti ving a ni ta. Ama nin irnghila, pathian dolhai nin irnghat tâk sikin, nin chunga intungtir hranga rêlinfel a ni ta.

JEREMIA 2:30

Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 32:33

Hnung an ni songsan ving tâka; anni chu ki irchuhai mai khomin, irngaiin, pom nuam mahai.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

EZEKIELA 22:24

“Mihriam nâipa, Israelhai kha ti pehai ro, an ram a’rthiang ta no sikin, ki ningmurna’n ki zuang ihrem a ni.

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

ZEFANIA 1:6

Rengpa irheisantuhai leh Rengpa zong loia ama irdon loituhai kha inboipaihai pat ki ti.

2 TIMOTHEA toc2 2 TIMOTHEA 3:16

Lekha thu murdi hi Pathian phûkkhum a nia; ir-en indikna hranghaiin, irsiaminsatna hranghaiin, nun dân dik irchutirna hranghaiin an lâp tak tak a ni.

HEBRAI toc2 HEBRAI 10:22

Khasikin lungrîl dik le iamna irkip neiin, sia le sa inhriatna dikloi ata ei lungrîlhai irthiangtirin le ei takpumhai tui irthianga infâiin Pathian nâi ei ti.