ZEFANIA 2:7 - PATHIAN LEKHABU IRTHIANG C.L. Bible (BSI)

⁷ Khanchu, tuipui kam kha Juda sûnghaia la omsunhai ta hrang ni a ta; kha khan an belra rualhai kha tâk an ta, khohloi tiang chu Askelon khua inhaia riak an ti; Rengpa an Pathian khan hong hro a ta, An sal intângna kha irletpai a ti.

ZEFANIA 2:7 ပူးပေါင်းရင်းမြစ်များ

IRPHUTNA 50:24

Khanchu Josefa’n a urênghai kha, “Ki ithi hrang tâk kêng, khannisianlân Pathianin nangni ompui mai a ta, hi ram ata hi Abrahama, Isaka, Jakoba chonginkungna ram a ipêk tâkna hmuna nangni la hruai a ti,” a tia.

INPÂKNA HLAHAI 80:14

O sipaihai Pathian, lungkham takin irheikîr nôk roh,

INPÂKNA HLAHAI 85:1

Rengpa, ni ram chunga hin ni lôma: Jakoba-hai, suaka an iom chu ni hruai kîr nôk tâka.

FESUAKNA 4:31

Khanchu mipuihai khan tak an sôna: Rengpa’n Israel irchihai chu a ompuihaia, an dengthei lamhai Rengpa’n a ni hmu mai a nih iti an irhriat suakin chu an lu kûnin, chubai an mûk ta.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 11:14

Nitâk tianga om Filistia chu doi intam nôk an ta, nisua tianga omhai khom rok pehai an ti.

ISAIA 11:16

Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 32:14

Reng in an inronga, khua inlaltak chu a ram zoi ta. A mualhai le a irhrungna ngai in irsânghai chu rama sakuartunghai lêngna a chang zoi ta sikin ramsâ lêng ta an ti.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 29:10

“Khan Rengpa’n, ‘Babulon rama kum sômsari a hekin chu, nangni ngaisaka, in tianga nangni hruai kîr nôk hranga ki chonginkung thangsua ki ti.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 3:18

Kha nî khan chu Israel le Juda irzomna ata hmâr tianga sal intângna ram ata hongin an idongtum dettak ni hrangin nin irchibulhai ki ipêkna rama hong kîr an ti,” tiin.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

JEREMIA 31:7

Rengpa’n hiang hin a ti. “Jakoba ta hrangin raifân takin hla sak unglân, nam tinin roiinpui tak ta hrangin khêk suak roi. Hril unglân, chôiindôm roi, ‘O Rengpa, Israel la damhai chu sansuakhai ro,’ tiin.

JEREMIA 32:44

Mi’n ircho an ta, irchôkna lekhahai siam an ta; irmantir an ta, an hriatpuitu om an ti. Benjamina ram huala Jerusalem kôlvêla khuahai, Judai ram khopuihaia, tâng kôlhaia le Judai ram sim tiang, hi hi a itung hrang chu a ni. Mihai chu an rama siam insa pehai nôk ki ti. Keima Rengpa’n ki iti a ni,” a tia.

JEREMIA 33:12

Khan Rengpa Itinrêngthothei khan, “Ramchâr anga mihriam mo, sahai om loina, hi rama hin belrapuhaiin an belrahai vâina hrang sûlhring hong mông nôk a ti.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

EZEKIELA 39:25

Khan Rengpa Pathianin hiang hin a hrila, “Khannisian atûn chu Jakoba irchi suanpârhai tuanintungin khoza’rngâiin om ki ta, tuanintungin inomtirhai nôk ta ki ti, ki’rhming irthiang khom hi savingin hrung ki ti.

HOSEA 6:11

Ki mihai sal intângnaa irthokin ki hruai kîrhai tika chu, o Juda, ni ta hrang khoma ra ât hrang inkung a ni.

OBADIA 1:19

Sim tianga mihai khan Esaua tâng kha dong an ta; phâiram tianga mihai khan Filistia ram kha dong an ta: Efraima loi le Samari loi kha dong an ti. Benjamina-hai khan Gilead ram kha dong an ti.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

MIKA 4:10

O Zion nâinu nupang nâiha ise nâi nei hrang angin a na tuangin lân, irvei ro atûn khopui ata fe suak ni ta, rama om ni ta, Babulon ten khomin a ife hrang a nia; kha khan sansuakin om ni ta, kha khan ni râlhai kut ata Rengpa khan nang sansuak a ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.

ZEFANIA 3:13

Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

HAGAIA 1:12

Khanchu Sealtiela nâipa Zerubabela le Jehozadaka nâipa ochai inlal tak Josua le mi la omsun murdihai khan Rengpa an Pathian irhâi le Rengpa an Pathianin a itîr anga hong, deipu Hagaia thu kha an irngai tâka; mihai khan Rengpa kha an chi tâka.

HAGAIA 2:2

Sealtiela nâipa, Judai ram optu Zerubabela kuang le Jehozadaka nâipa, ochai inlaltak Josua kuang le mi la omsunhai kuanga khan hiang hin insîr ro ba, a tia.

LUKA 1:68

“Rengpa, Israelhai Pathian chu inpâkin om ri se, A mihai san hrangin a zuanga, an zôkhai tâka.

LUKA 7:16

Mi murdi’n an chia, Pathian an inpâka, “Ei laia Deipu roiinpui tak a zuang iom tâk a ni,” an tia; Pathianin a mihai a zuang ihro tâk a ni, an ti saa.

TÎRTÔNHAI SINTHO 8:26

Rengpa itîr vântîrtônin Filipa kha a chongpuia, “Thoiin lân, Jerusalem ata Gaza khua zu sun sim tiang ramchâr thengthai tiang khun fe roh,” a tia.

TÎRTÔNHAI SINTHO 8:40

Filipa kha Azota khuaa an hmua, Kaisari khua a tung mâka chu kho tina a fe tâka, Thurchi Sa a hril thiaia.

ROM KHUAA MIHAI KUANGA TÎRTÔN PAULA LEKHATHON 11:5

Atûn khom khaang dên khan Pathianin a lungkhamna sika a inthang suakhai tômte an la om.

RUTHI 1:6

Khan Rengpa’n a mihai changpuia fâk nêk a pêkhai ti thu Moab ram ata a lei inhriat sikin, a moihai inhni le Moab ram ata kîr nôk hrangin an irsiam tâka.