ZEFANIA 1:3 - PATHIAN LEKHABU IRTHIANG C.L. Bible (BSI)

³ Mihriam le sahai inboipai ki ta; chunglêng vahai le tuipuia ngahai inboipai ki ta; Mi sualhai kha intûktir ki ta; Irnêng chung ata mihriam inboipai zit ki ti, ti hi Rengpa thu suak a ni.

ZEFANIA 1:3 ပူးပေါင်းရင်းမြစ်များ

IRPHUTNA 6:7

Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia.

ISAIA 27:9

Nam dang maichâm lunghai chu, chinai lung angin an suk khoia, Aseri irlim le lung danghai an pai ving zoi hnunga, Israelhai sualna chu ngaidam ni a ti.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

ISAIA 6:12

Rengpa’n mihai chu hlataka thon paihai a ta, ram pumpui insiat zoi ni a ti.

JEREMIA 12:4

Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

EZEKIELA 44:12

An millimhai kôla khan a sin an lei tho pe tâk sika khan, Israel sûngkuahai ta hrangin suala irtetna kêng an lei chang ta, khasikin an chunga khan ki kut irlek ki ta, an sualna chu anni ngêtin pêl an ti. Rengpa Pathianin a ti.

EZEKIELA 7:19

An sumruhai chu kholaia khan dêng inthek an ta, an rângachakhai khom chu thil irthiang no ang hong ni ta a ti; an sum le rângachak khan Rengpa ningmurna nikhuaa chu anni chu saninzôk no nia, an hringnun inkhop no nia, an phîng khom khop ual no ni, anni irtettirtu sualna a ni tâk sikin.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

HOSEA 4:3

Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.

ZAKARIA 13:2

Kha tena chu keiin hi ram sûng ata hi millimhai irhming chu inboipai ta ki ta, tukhomin anni chu inhre mai ta no nihai. Deipua irtipu kai chu sâtthâkhai ki ta, millim biak nuamnahai chu lapai pehai ta ki ti.

MATHAIA 13:41

Mihriam Nâipa’n vântîrtônhai kha tîr a ta, a Ram ata mi, sual inthotir ngaihai le sualtho ngaihai kha bûm an ta,

MATHAIA 23:39

Nangni ki hril, Rengpa irhminga hong chu Pathianin satvur ri se, nin ti mâka chu atûna irthokin ni hmu ta no chin ni,” a tia.

THUPHUANG 2:14

Khannisianlân, nang demna ki nei viat: nin laia mi senkhatin Balaama thu irchutirna an pom sikin. Kha pa khan millim biakna thil an ifâkna hrangin le irditna porinche an songna hrangin Balaka kha Israel mihai suala hruai irhmang dân a irchutir a ni.