ZEFANIA 1:13 - PATHIAN LEKHABU IRTHIANG C.L. Bible (BSI)

¹³ Khan, an sumhai kha râllâk hong chang zoi a ta, An inhai kha ram a ta; a ni, inhai sin an ta, Khannisian lua no nihai; Grep irhuanhai siam an ta, khannisian a uain kha in no nihai.

ZEFANIA 1:13 ပူးပေါင်းရင်းမြစ်များ

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

MIKA 6:15

Song ni ta, khannisian ât no chi ni: oliv rahai kha sir inzôi ni ta, khannisian a hriak kha irthu no chi ni; grep sôminzung khomin lân, a uain kha in no chi ni.

DÂN INHNINA 28:30

Dôngma hual nin ta, mi’n nangni neipai pe an ti, in sin nin ta, lua no chin ni; grep irhuan siam nin ta, a ra fa no chin ni.

EZEKIELA 7:21

“Nam dang kuta inmantirin nangni sia ki ta, rammuala mi sualhai kuanga râllâk suma chang nin ta, porinchein om nin ti.

JEREMIA 15:13

Rengpa’n ki kuang, “Ki mihai khan an ram puma an sualna sikin, an irchongna le an thilhluhai chu râlhai tîrin ki irthakpai pehai ving hrang a ni.

JEREMIA 9:19

Zion-a chap irhâi so irngai hi roi, “Ei insiat zoi tâk! Mual ei inphoi a ni ta! Ei ram hi ei imâk ngêt hrang a ni. Ei inhai lak chu a chim zoi tâka,” tiin.

DÂN INHNINA 28:39

Grep irhuan siam nin ta, irvotir nin ta, khannisian uain mani, a ra irhmal hrang mani, hmu no chin ni, irnge zoi a ti.

ZEFANIA 1:9

Khan kha nikhuaa khan chu pathian dikloi chubai mûktuhai murdi le an hruaituhai, irhnuaisia irhlômtuhai le huangnaa siptuhai kha hrem ki ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

EZEKIELA 22:31

Khasikin ki ningmurna chu an chunga insum ki ta, an sinthôna sika khan mei angin inboipaihai ki ti,” Rengpa Pathianin a tia.

EZEKIELA 7:19

An sumruhai chu kholaia khan dêng inthek an ta, an rângachakhai khom chu thil irthiang no ang hong ni ta a ti; an sum le rângachak khan Rengpa ningmurna nikhuaa chu anni chu saninzôk no nia, an hringnun inkhop no nia, an phîng khom khop ual no ni, anni irtettirtu sualna a ni tâk sikin.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

JEREMIA 5:17

Nin chîmuhai le nin buhai fâkin ne ving an ti, nin nâipasalhai le nupanghai that an ti. Nin kêlbelra le sehrâthai khom thathai an ta, nin grep kung le theipui kunghai insiat zoi an ti. Nin irnghatna kul nei khopuihai chu an sipaihaiin insiat an ti.

JEREMIA 4:20

Vânduaina irkhêl tak an tungtir baka; Ram pumpui a isiat zoi a ni ta. Mitkhap kârin kin puan inhai a siat zoia; an puanzârhai ite om zoi ta mah.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

DÂN INHNINA 28:51

Nin sâhai, nin chîmuhai fa zoi an ta, phîngchâmin thi nin ti; nin bu hai, nin uain hai nin oliv hriakhai, nin sâhai hôi no nihai; phîngchâmin thi nin ti.

JEREMIA 17:3

hmun tongna tâng sîphaia khom khan, a ram pumpui huapin ni sual sinthotheina sikin ni râlhaiin nir chongna le nir chonhluhai kin ilâk ving hrang a ni.

CHAP HLA 5:2

Kin irchonhai khom nam danghai laia pêk a ni zoi ta. Kin inhai khom hmêl hriatloi kuta omin.

EZEKIELA 7:24

Khasikin, nam dang sual tak takhai hong hruai lût ki ta; an in le loihai la pehai an ta; an hrâtna an irsongpui chu inboipai ki ta, an hmun irthianghai chu porinchein om a ti.