ZEFANIA 1:12 - PATHIAN LEKHABU IRTHIANG C.L. Bible (BSI)

¹² Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

ZEFANIA 1:12 ပူးပေါင်းရင်းမြစ်များ

JOBA 21:15

Itinrêngthothei chu imo a ini, a sin kin itho pena hrang chu; a kuang kin chongchaiin imo inlâpna kin la ihmu hrang?’ an tia.

INPÂKNA HLAHAI 10:4

Mi sia chu lârirpâk hmêl irputin, “Inphût no ni,” a ti ngai. A ngaituana murdi chu, “Pathian zel om mah,” ti inzen a ni.

INPÂKNA HLAHAI 14:1

Mi invêtin a lungrîlin, “Pathian om mah,” a ti ngaia, an siat zoia, thil intirom an thoa, tukhom thil sa tho rêng om mahai.

INPÂKNA HLAHAI 94:7

“Rengpa’n hmu no nia, Jakoba-hai Pathianin irngaitua ual no ni,” an iti ngai a ni.

ISAIA 5:19

Hor hnothai sian kin hmu theina hrangin, hong tho lat ta ri sehai, Israelhai mi irthiangin a thiltum chu, ei inhriat theina hrangin, zuan tungtir ta ri se, tituhai chu.

JEREMIA 10:5

Khaanga millimhai chu fanghma bila mamîm ang an nia chong thei mahai. An fe thei no sikin thon an inang ngai a ni. Annihai kha chihai no roi: ite nangni lo no nihai, thil sa khom nangni tho pe thei no nihai,” a tia.

JEREMIA 48:11

Khan Rengpa’n hiang hin a hrila, “Moab chu inzôka lei hong om mai ngai angin sala intâng ngai maka. Moab chu uain, tui kha bêl tam dôrin sungirthâk ngai maka, inchâng loia omchian ngai a ni. A mirimhoinahai hek thei maka, ar hniknahai khom a pangai a ni mai ngai.

EZEKIELA 8:12

Khanchu ki kuang, “Mihriam nâipa, Israel in sûngkuaa upahaiin inrûka thil an itho hi ni hmu mo? Mi tinin mâni chontan chita millim an biak hi, Rengpa’n ni hmu ma, Rengpa’n ram hi a suaksan tâk kêng an ti,” tiin.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

OBADIA 1:6

Esaua thilhai zong suak a ini tâk kêng! A’rchon kok thuphai kêlsuak a ni ta!

MALAKIA 2:17

Nangni rêkin chu, ia khan mo kin insôltir? nin tia. Thilsual thotu murdi Rengpa mithmua mi sa an nia, an chunga khom a sân a lôm ngai nin ti ngaia, roirêl felna Pathian kha khôn mo a iom? nin itihaia hin a ni.

2 PETERA toc2 2 PETERA 3:4

“Zuang nôk chonginkung kha itin mo a ni tâk? Ei irchibulhai an thi zoi tâka, thilsiam irphut ata itinrêng a ngai dênin a la iom mo ni ma?” la ti an ti.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.