ZAKARIA 7:9 - PATHIAN LEKHABU IRTHIANG C.L. Bible (BSI)

⁹ “Matona ki mihai chu hiang hin thu ki pêkhaia: roirêlna dik chu inlangtir unglân, khonzâna le inrenna khom inlangtir sa roi.

ZAKARIA 7:9 ပူးပေါင်းရင်းမြစ်များ

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

JEREMIA 7:5

Nin innun dân indanglamin nin sinthohai masan ta roi. Nin ir-enkol dân satakin irngîk roi.

JOHANA 7:51

“Ei dânin chu mi tukhom a chongbâi suak ei inhriat mân le a sintho ei hmu suak mân chu thiamno inchangtir thei mak me,” a tia.

LUKA 11:42

“Nangni, Farisaihai nangni lan tak pe a ti na! lêngmiser, podina le chîmu tinrênghai sôma inkhat Pathian nin pêk ngai, khannisianlân, dikna le Pathian lungthungna chu nin irngaiinnêp ngai; khahai kha kêng nin itho ngêt ngêt hrang chu, a danghai khom khi mâk ual loiin.

MATHAIA 23:23

“Nangni Dân irchutirtuhai le Farisai vârirlethaio, nin chung a rik! A zoro taka vâng ngai, podina hai, lêngmiser hai, kumhoi hai sôma inkhat nin pêk ngaia, Dân thua poimo ual, dikna hai, lungkhamna hai; iamomna hai nin ngainêp ngai, khannisian, khahai kha kêng nin itho rua tak chu a ni, a danghai khi ma ual loiin.

ZAKARIA 7:7

Khan, hi hi matona Jerusalem chu tuanintung taka a oma, mipui tamtak a sip laia le, a khopuihai ti bana, sim tiang le nitâk tiang tâng kôlhaia an om laia deipuhai kuanga Rengpa’n a lei ihril kha a ni.

AMOSA 5:24

Khannisianlân, roirêlna dik kha vadung angin luang sianlân, felna kha ivapui kang ngailoi angin luang ri se.

EZEKIELA 45:9

Khanchu Rengpa Pathianin hiang hin a ti, “O, nangni Israel roirêltuhai, zoro sôttak sual sin thoin nin om tâka, khasikin thisen insuana le nuamninga lônahai hi ma ta unglân, thudik le thil fel chu tho roi. Ki mihai chu an ram ata irzûlpaihai ta no ning, kei Rengpa Pathian ngêt hin nangni ki ihril a ni.

JEREMIA 7:23

Khan, an Pathian ki nia, ki mihai an ni theina hrangin le ki thu zôm thei hrangin chu, thu ki ipêk an ni. Khante an ta hranga thil a fe insa mai theina hrangin ki thupêk ang taka, innun hrangin ki ihrilhai an ni.

LEVI DÂN 19:15

Dik takin ni tualbômhai thu rêl pe ngaiin lân, mi’nriang ditsak bîk no’n lân, mi’rchong chi ual hliak no roh.

JOHANA 7:24

Pên tianga inlang dân ngot enin ngaitua no unglân, a ni dân dik takin ngaitua ual roi,” a tia.

DÂN INHNINA 22:1

Ni chipui, Israel mi sehrât mani, belra mani an ithung, a suak ni hmu’n chu a hmu loi om tho no’n lân, hôl intung pe roh.

2 SAMUELA 9:7

Davida khan a kuang, “Chi no ro, ni pa Jonathana sikin lung nang inkham ngêt ki ti, ni pu Saula ram murdi nang pe nôk ki ta, ki dokânga khalâi ot sa mai ta ni ta,” a tia.

JOBA 6:14

Irzal taka om tâk chunga khan, lungkhamna a inei hrang a ni. Itinrêngthothei hnung songsantu chunga khan.

JEREMIA 22:3

Keima Rengpa hin diktak le fel taka roirêl hrangin thu nangni ki ipêk a ni. Mi huanga omtu chu a huangtua irthokin soisak roi. Ram dang mihai, meithâihai, farahai, dengintheitirin mani, sirphûmhai no unglân, tho’nchâina nei loi mihai hmun irthianga thathai no roi.

EZEKIELA 18:8

a pung omin sum le puan khom inpûktir loiin, a pung khom la ual loia, thil saloi tho hranga a kut insum thei mi, mi le mi kâra roirêlna dik tho ngaia,

ZAKARIA 7:8

Khan Rengpa’n hi thu hi Zakaria kuang a hrila:

JOBA 31:20

Tukfam samul leh siam ki belrahai ata ki pêk ngai, Khanchu ama’n lungrîl takin a nin fâk ngai.

HOSEA 12:7

Kanaan-hai angin Israel khan vârna dik loi an leka, ihuang ringot a irzuk ngai a ni.