ZAKARIA 1:3 - PATHIAN LEKHABU IRTHIANG C.L. Bible (BSI)

³ Khasikin hiang hin an kuang van sîr ro: Sipaihai Rengpa khan hiang hin a ti, keima tiang hong irhei unglân, kei khom nangni tiang zuang irhei ki ti, ti hi sipaihai Rengpa thu suak a ni.

ZAKARIA 1:3 ပူးပေါင်းရင်းမြစ်များ

2 THURCHI SUINA 15:2

Reng Asa irhmupui hrangin a fea, a khêka, “Reng Asa nangni Judai le Benjamina mihaio, ki thu hi irngai roi. Ama tiang nin kop sûng chu Rengpa khom nangni tiang om a ta, nin zongin chu hmu nin ti, nin mâksanin chu nangni masan a ti.

2 THURCHI SUINA 15:4

Khannisian chardongna an tong zoro’n Israelhai Pathian Rengpa tiang an irheia, ama an zonga, an hmu ngai.

NEHEMIA 9:28

Khannisian râl irvei loiin an om zoiin, ni mithmua thil saloi an tho nôka; khasikin an râlhai kuta ni pêkhaia, khanchu an chunga thu an neia; an kîra nang an koi lai khan, irvân ata ni len hriata, voi iza ni phûkdâi sikin ni sansuakhaia;

JOBA 22:23

Itinrêngthothei kuanga ni kîr theiin chu, ngîr suak ni nôk ni ta, Ni puan in ata ni fel loina ni khâipai thei photin chu.

ISAIA 31:6

O Israel mihaio, “A sân tehel pe khom unglân hong kîr nôk ta roi.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

JEREMIA 12:15

Khan, ki thonpai hrangin, an chunga khonzâna nei nôk ki ta; nam tin mâni hmun le mâni ram chita hruai kîr nôkhai ki ti.

JEREMIA 25:5

Rengpa’n nangni le nin irchibulhaiin nin nei mai hranga nangni a ipêk rama nin om thei maina hrangin, nin sual hringnun le nin thil saloi thohai masan hrangin nangni a ihril ngai a ni.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 4:1

Rengpa’n, “Israel mihaio, a kîr nôk nin nuama ni’n chu, keima kuang hong kîr roi. Millim ki ihnôlhai nin khâipaia, keima hrangin iamomin nin oma ni’n chu,

EZEKIELA 18:19

Khannisian, itho mo a nâipa’n a pa sualna mô a iphur loi hrang? nin ti ngai. Nâipa khan dân chu a zôma thil fel a thoa, ki dân siam murdihai chu zômin a pom zita ni’n chu hring ngêt a ti.

EZEKIELA 18:31

Nin sintho insualnahai chu pai unglân, ngaituana thar le milung thar irput roi. Israel mihaio, itho mo thi nin ta?

EZEKIELA 18:32

Mi an thi hin lômna nei viat ma ung, ti hi Rengpa pathian thusuak a ni, khasikin, “Nin sual ata irletin om roi,” a tia.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 14:4

An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

MALAKIA 3:7

Nin puhai zoro ata kha ki thu’nkunghai nin pêtsana, zôm khom zôm ngai mak chêi. Ki kuang hong kîr unglân, khanchu nin kuang zuang kîr ki ti, Sipaihai Rengpa’n a ti. Nangni’n chu, ia hin mo kin ikîr hrang? nin tia.