THUVÂRHAI 3:6 - PATHIAN LEKHABU IRTHIANG C.L. Bible (BSI)

⁶ Ni sintho murdia Rengpa inhre maiin lân, ama’n lampui dik nang irhmutir a ti.

THUVÂRHAI 3:6 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

EZRA 7:27

Jerusalema Rengpa in en inhoitir hrang rêng chu, hianga lungrîl invongtirtu le rêng le roirêltu rêng milian inlârtakhai kôla ki chunga lungkhamna insuatirtu Rengpa, kin pi le puhai Pathian chu inpâkin om ri se.

NEHEMIA 1:11

O ki Rengpa lungkham takin ni siahlo chongchaina le nir hming inlômtir hranga nei, ni siahlohai chongchaina hi ni mikuar lei sung ro; a vuan hin ni siahlo hi hlo nin chuktirin lân, hi mihai mithmua hin lungkham takin phûkdâina nin dongin lân,” ki tia. Kei chu rêng khilât inhlantu ki nia.

NEHEMIA 2:4

Khanchu rêng khan, “Imo ni izong?” a tia. Khanchu irvân Pathian kuang ki chongchai tâka.

NEHEMIA 7:5

Pathianin ki lungrîla mi felhai, roirêltuhai le mipuihai koi bukin, an irchihai irhming irziak hrangin a nin hriattira. Khan a phut taka fehai irhming irziakna kha ki hmua, hiang hin irziak ki hmua.

INPÂKNA HLAHAI 32:8

“Ni fena hrang lampui chu nang irhmutirin, nang irchutir ki ti, Ki mitin nang en maiin nang changpui ki ti.

THUVÂRHAI 11:5

Mi sa dikna khan a hringnun an hoitir ngaia, mi sia chu a sualna’n irhmangtir a ti.

THUVÂRHAI 16:3

Ni ngaituanahai satvur hrangin Rengpa ngênin lân, khanchu ni ngaituanahai kha hlo chukin sin thei ni ti.

THUVÂRHAI 16:9

Mi, a lungrîla a sin hrang a ngaitua theia, kalchôi hrang lam chu Rengpa’n a zêk pe ngai.

THUVÂRHAI 23:17

Ni lungrîlin mi sualhai irzuk no ri se; Rengpa chitna hi ni hringnun thupui tak ni ri se.

ISAIA 26:7

Mi dikhai lampui ni siam nuama, an fena hrang nin tûn pehai ngai.

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

ISAIA 45:13

Râl a hong lianin chu Kura chu ki tumna lam tinrênga changpui ki ta, ki khopuihai indingtir nôk a ta, lômman pe ual nuam loiin irtanna man pêk khom nuam no ni. Ki mi, sala omhai insuahai a ti,” tiin Itinrêng Rengpa’n a ti.

ISAIA 48:17

Nangma inthangtu, Israel mi irthiang, Rengpa’n hiang hin a ti: ‘Keima hi Rengpa ni Pathian chu ki ni. Ni hranga sin sa nang ki’rchutira, ni fena hranga lampui chu nang irhmutir ki ti.

JEREMIA 10:23

O Rengpa tûte mâni hringna chunga thunei om mahai ti kin hriat ta. Tûte’n an om hrang dân inhre thei mahai.

JEREMIA 42:3

Kho tiang mo kin ipan hrang le imo kin itho hrang Rengpa ni Pathianin a ni hril theina hrangin chongchai ro,” an ni tia.

NAMBAR 9:20

A kâra chu sûm kha Biakbuk chunga khan sûn sôtnote vai a om ngaia, khan Rengpa thupêk angin an inzin suak ngaia.

1 KORINTH 10:31

Khaang khan, nin isin murdi, nin ifâk le nin i-in murdi Pathian roiinpuina hrangin tho roi.

2 KORINTH 8:16

Nangni changpui hranga kin irzuk lam ang taka Tita khom irzukna inneitu Pathian chunga kin lôm tak tak.

FILIPI 4:6

Itea khom lunginzîng no roi, i thila khom chongchaiin nin innanghai Pathian kuang intung unglân, lômthu hril pumin ngên roi.

KOLOSA 3:17

Krista zâra Pathian kuanga lômthu hril pumin, nin itho murdi, thu’nsîra mani sinthoa mani Rengpa Jisua irhmingin tho zit roi.

KOLOSA 3:23

Nin itho murdi mihriam sintho ang ni loiin Rengpa sintho ang takin tho roi.

JAKOBA toc2 JAKOBA 1:5

Nin laia tukhomin vârna ar samin chu mi murdi kuanga inhnar loia phal taka pe ngaitu Pathian kuang ngên ri se, pêk ni a ti.

1 SAMUELA 30:8

Davida khan Rengpa a chongpuia, “A ni rûntuhai hi ki irzûl hrang mo? Irzûl inlân la phahai ning mo,” tiin ar dona. Ama khan, “Irzûl ro, la phahai ngêt ni ti, an ichelhai khom saninzôkhai ving ni ti,” a tia.