THUVÂRHAI 3:3 - PATHIAN LEKHABU IRTHIANG C.L. Bible (BSI)

³ Iamomna le lungkhamna kha inthâ viat no’n lân, ni ringa inhli maiin lân, ni lungrîl phêka irziak ro.

THUVÂRHAI 3:3 ပူးပေါင်းရင်းမြစ်များ

2 SAMUELA 15:20

Mizâna la hong chak ni nia, a vuan hin kin laia a suk a tunga ni zui hrangin nang ki iti hrang ni mak che? Ki fena hrang lua ki la inhriat loi a ni, nang chu kîr nôkin lân, ni urênghai kha hruai kîrhai ro. Pathian lungkhamna le thutak ni kuang om ri se,” a tia.

INPÂKNA HLAHAI 119:11

Ni chunga ki sual loina hrangin, Ni dânhai chu ki lungrîla ki phûm khaka.

INPÂKNA HLAHAI 25:10

A thu’nkung le a thu inhriattir zômtuhai ta hrangin chu, Rengpa lampui murdihai kha lungkhamna le thutak zit a ni.

INPÂKNA HLAHAI 85:10

Lungkhamna le thutak an irtonga; Felna le irngeina an irtuma.

FESUAKNA 13:9

Rengpa dân chu nin bâia a om mai theina hrangin nin kuta irsinsiana le nin mit kâra hin nin inhriat maina hrang ni a ti. Kut hrât tak Rengpa’n Aigupta ram ata nangni a hruai suak sikin.

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

THUVÂRHAI 1:9

An irchûtirna khan ni lua hrangin lukhum roiinpui tak le ringa irthei enhoi tak angin ni nunchan inlang a ti.

THUVÂRHAI 14:22

Sin sa sinin chu mi danghai mahrip le iamzoina a dong ngaia; thil sual sinin chu an tho’nchâi ngai.

THUVÂRHAI 16:6

Dikna le iamomna nei chu Pathianin a ngaidam ngaia. Rengpa chitna’n mi’n sual a mâk ngai.

THUVÂRHAI 20:28

Reng kha satna felna le dikna’n roi a rêl kârka inlal a ti.

THUVÂRHAI 6:21

An chonghai irtik maiin lân, ni lungrîla vong roh.

THUVÂRHAI 7:3

Nang ki’rchûna chu zoro tina inkolin lân; ni lungrîl phêka irziak roh.

JEREMIA 17:1

Khan Rengpa’n, “Juda mihaio, nin sualna chu thîr kolom leh lunghlu hmor irzumin nin lungrîl irziak a nia, nin maichâm irkihaia khom irziak a ni.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

MALAKIA 2:6

Thutak dân kha a bâia a oma, thu insual a hmûra om ma: Irtharngamna tak le irdîn takin ki makunga a lêng ngaia, mi tamtak an pualoina ata an kîrtir a ni.

MATHAIA 23:23

“Nangni Dân irchutirtuhai le Farisai vârirlethaio, nin chung a rik! A zoro taka vâng ngai, podina hai, lêngmiser hai, kumhoi hai sôma inkhat nin pêk ngaia, Dân thua poimo ual, dikna hai, lungkhamna hai; iamomna hai nin ngainêp ngai, khannisian, khahai kha kêng nin itho rua tak chu a ni, a danghai khi ma ual loiin.

2 KORINTH 3:3

Nangni hi Krista lekha, keini a ni irziaktir, lekhatuia irziak ni loi, Pathian hring Irthaa irziak a ni, lungphêka irziak khom ni maka, taksa milung phêka irziak nin nih ti an lang infel a ni.

EFESI 5:9

Vâr chu satna hai, felna hai, le thutak tinrêngin a ra suak ngai.

DÂN INHNINA 6:8

Nin inhriat mai theina hrangin nin bâna khit unglân, michal khitna’n hmang roi.

HEBRAI toc2 HEBRAI 10:16

“Nikhua hong tung hranga an kuang, Thu ki intung hrang chu hi hi a ni; An milung sûnga ki dânhai sia ki ta, An lungrîla irziak sa ki ti,” a tia.