THUVÂRHAI 24:9 - PATHIAN LEKHABU IRTHIANG C.L. Bible (BSI)

⁹ Intô ngaituana chu sual a ni. Mi hmusit chu mi ihnuaisia an ni ngai.

THUVÂRHAI 24:9 ပူးပေါင်းရင်းမြစ်များ

MATHAIA 15:19

Milung ata nin ngaituana sual hai, mi thatna hai, uirena hai, irditna hai, inrûkna hai, milaka irsêlna hai, Pathian hril siatna hai a ihong suak ngai a ni.

2 KORINTH 10:5

Pathian inhriatna dân hranga lârirpâkna lamchâina tinrênghai kha kin seta, ngaituana tinrêng suaka hruaiin Krista thu kin zôm ngai.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

TÎRTÔNHAI SINTHO 8:22

Aniachu, ni sual hi irletin lân, Rengpa kuang chongchaiin lân, ni ngaituana sual hi nang ngaidam no ni mo.

MATHAIA 9:4

Jisua’n an lungrîla an ingaituahai kha a lei inhriata, an kuang, “Ithoa mo khaanga thil saloi nin lungrîla nin ingaitua?

THUVÂRHAI 29:8

Mi dang mahripna nei loi mihaiin chu khopui an inbuai chit ngaia, mi vârhai rêkin chu ningmurna an irkiangtir ngai.

THUVÂRHAI 24:8

Thil saloi ni phan maiin chu mihaiin buaina siam ngaitu nang ti an ti.

MATHAIA 5:28

Keima’n chu hiang hin nangni ki hril, tukhom, nupang indit ena en ka chu, a lungrîla a iuire chian tâk a ni.

JEREMIA 4:14

Jerusalem ni lungrîla irthokin sual infâi ro, khanchu saninzôkin om ni ti. Idôr mo ni ngaituana sual hi a la iom hrang?

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

THUVÂRHAI 23:7

“Tho hong ro, hong fa ro” a tiin, a lungrîl taka ti mah. A ngaitua lam ang takin kêng a nina chu a ini.

THUVÂRHAI 22:10

Mi hmusit ngai kha hêkpaiin lân, khanchu irngo irkhal irkiang a ti; a ni, irsualnahai, irsêlnahai boi a ti.

INPÂKNA HLAHAI 119:113

Lungrîl mumal neiloi mihai chu ki hnôla, Ni dân rêk chu ki’rngaiinhlu a ni.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

THUVÂRHAI 9:7

Hmusit ngai mi ni hrilin chu nang phengsan a ta, mi pualoi ni ngo’n chu kuttum tuangna ni ti.

THUVÂRHAI 21:24

Irpâk le irsong mi chu ar hming hmusittu a ni; mi liana irbein irpâk takin sin a tho ngai.