THUVÂRHAI 2:6 - PATHIAN LEKHABU IRTHIANG C.L. Bible (BSI)

⁶ Rengpa kêng vârna mi pêk ngai, ama bâia irthokin inhriatna le inhriat thiamna a isuak ngai a ni.

THUVÂRHAI 2:6 ပူးပေါင်းရင်းမြစ်များ

JAKOBA toc2 JAKOBA 1:5

Nin laia tukhomin vârna ar samin chu mi murdi kuanga inhnar loia phal taka pe ngaitu Pathian kuang ngên ri se, pêk ni a ti.

INPÂKNA HLAHAI 119:98

Ni thupêkhai khan ni doituhai nêka vâr ualin a ni siama, Kumkhua’n ki kuang a om mai sikin.

JOBA 32:8

Khannisian, thil inhriat theitirtu chu mihringa irtha om, Itinrêngthotheitu phûk chu a ni.

LUKA 21:15

Nin irdoipuihai murdi’n nangni an sêl thei nona hrangin vârna le mi sâm theina nangni pêk ki ti.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

1 RÊNGHAI 3:12

ni izong chu nang pe ki ti, mi tûte la inei ngai loi le inhnunga mi inei thei loi hrang vârna le roirêl theina nang pe ki ti.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

INPÂKNA HLAHAI 119:104

Ni dânhai sikin vârna ki neia, Khasikin om dân dikloi tinrêng hi ki ihnôl a ni.

DANIELA 2:23

O, ki’rchihai Pathian, vârna le theina ni petu, ni kuanga kin izong nin hriattirtu chu, Lômthu hril pumin nang kin pâk: Rêng thil chu ni nin hriattir tâk sikin ti a hrila.

DANIELA 1:17

Khanchu hi ruatharte minlihai hin theina le vârna murdi le inhriatna le bengvârna, Pathianin a pêkhaia. Daniela’n inlârna le irmang murdi omzia an hriat thei tâka.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

1 RÊNGHAI 4:29

Pathianin Solomona chu vârna le inhriatna inthûk tak a pêka, lungrîl ngaituana irzat suisuak phâk loi rak a pêka.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

THUVÂRHAI 6:23

An thupêkhai kha vâr irtêk ang kha a nia; an hrilna khan hringna lampui nang irhmutir a ti.

INPÂKNA HLAHAI 19:7

Rengpa dân kha a sa’rkipa, hringna a siam insa ngai. Rengpa thu’nhriattir kha iam a oma, mi’nmôl an vârtir ngai;

1 RÊNGHAI 3:9

Thudik le dik loihai theithâka fel taka roi ki rêl theina hrangin ni siahlo hi vârna pe ro. khano’nchu, mi hi dôra tamhai laia hin roirêl thei no ning,” a tia.

FESUAKNA 31:3

kut sinthei le irfûktir theina, thil i ang khom siam hranga kutsintheina nei hrangin ama kha ki sin theina hrangin ki insiptir a ni ta.

1 THURCHI SUINA 22:12

Vârna le hmangrua inhriat theina nang pe sianlân, Israel mihai chu Rengpa ni Pathian dân hrangin roirêl pehai thei ni ti.

NEHEMIA 7:5

Pathianin ki lungrîla mi felhai, roirêltuhai le mipuihai koi bukin, an irchihai irhming irziak hrangin a nin hriattira. Khan a phut taka fehai irhming irziakna kha ki hmua, hiang hin irziak ki hmua.

JOBA 22:22

A chong suakhai chu pomin lân, Ni lungrîla vong insa mai roh.

INPÂKNA HLAHAI 51:6

Irngai ta, sûngrîl tianghai hin takna ni nuam ngaia: Khanchu inlang loina tiang hin vârna nin hretir ni ti.

THUHRILTU 2:26

Ama lunginchuktu kuanga Pathian vârna, inhriatna chu a pêk ngaia. Khannisian mi sualhai chu Pathian lungdo sintuhai ta hrangin irchon an buk khômtirhai ngai. Hi khom hi chanlamboi chian a nia, thil korongboi chian a ni.

1 RÊNGHAI 10:24

Pathianin a kuang vârna a ipêk kha irchu hrangin ram tina mihaiin an hong ipan ngai a ni.

EZRA 7:25

“Khan nang Ezra, ni inei Pathian vârna nang pêk angin tui varâl tianga omhaiin roirêl theina hrangin an hruaituhai le roirêltuhai, mi Pathian dân inhriat mi inthanghaiin lân, an hriat loihai chu irchutirhai roi.

JOBA 12:13

Pathian chu a vârin a hrâta, irfûktir dân a theia, itinrêng an hriat ngai.

JOBA 12:16

Amaa khan hrâtna le vârna irkip chu a oma, Ihuanga om le a huangtu khom ama ta a ni.

INPÂKNA HLAHAI 19:8

Rengpa isepna kha a dika, lungrîl an lômtir ngai; Rengpa thupêk kha a’rthianga, mihai an vârtir ngai.

INPÂKNA HLAHAI 94:10

Nam tin iseptu’n a ihalirchu loi hrang ma ni? Mihriam vârna irchutirtu khan?

INPÂKNA HLAHAI 119:34

Ni dân ki vong insa theina hrangin inhriat thiamna ni pe ro; Khanchu ki lungrîl murdi’n zôm ki ti.