THUPHUANG 9:4 - PATHIAN LEKHABU IRTHIANG C.L. Bible (BSI)

⁴ Irnênga hloisûl hai, thilhring hai le thingkung hring hai rêng rêng chu sê viat loia, mihriam an michala Pathian irsinsiana nei loihai vai kha sê hrangin an hrila.

THUPHUANG 9:4 ပူးပေါင်းရင်းမြစ်များ

JOBA 1:10

Ama chu a in le, a inei murdi kil tina ni pêk sika ni ma mo? A kut sintho sat ni vura; a sâhai khom ram an ibit pe a ni ta.

JOBA 1:12

Khanchu, Rengpa’n Setan kuang, “Tho atûn hin a inei murdi nangma kuta nang ki pêk, ama chu innatir ro,” a tia. Setan chu Rengpa kuang ata a suak ta.

JOBA 2:6

Khanchu Rengpa’n Setan kuanga khan, “Irngai ro, ama khom ni kuta om a nia, a hringna vai hi hôi pe ro,” a tia.

INPÂKNA HLAHAI 76:10

Mihriam ninginmur khan nang a roiinpuitir uala, Ning nin murin a hmâihai chu irkhit a ti.

FESUAKNA 12:23

Rengpa kha Aigupta mihai that hrangin a hong itung ngêt hrang a nia; khanchu mikot chung le inkhâr sîr hnia thisen kop kha a hmu’n chu Rengpa khan mikot kha irkân a ta, in sûnga khan nangni that hrangin vântirtôn mi that ngai kha hong lût phal no ni.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

EZEKIELA 9:6

Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

EFESI 4:30

Pathian Irtha Irthiang kha beiindongtir no roi, irtanna ni hrangin ama ta ngei nin nizia Pathianin nangni a isinsia a ni.

THUPHUANG 14:1

Khan ki hong ena, Belrate kha Zion Tânga, mi 144,000 (Nuaikhat sîngminli sângminli) an michala ar hming le a Pa irhming irziakhai leh ngîrin ki hmua.

THUPHUANG 6:6

Thilhring minlihai lai ata suak ni le irhoi hnukirhai kin hriata, “Fapui khamphulu khat sûn khat hlo, barli khamphulu thum sûn khat hlo, khannisian, oliv thing le grep irhuan chu insiat no roh,” a iti kin hriata.

THUPHUANG 7:1

Kha irzoiin chu, muanga le tuikhangliana le thingkunghai rêng rênga phâivua a tho ta loina hrangin phâivua chela irnêng kil minlia ngîr vântîrtôn minli ki hmua.

THUPHUANG 8:7

Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.