THUPHUANG 9:3 - PATHIAN LEKHABU IRTHIANG C.L. Bible (BSI)

³ Meikhu ata khâihai irnênga an zuang tâka, âinuvêthaiin sinthotheina an inei ang takin an kuang sinthotheina an pêka.

THUPHUANG 9:3 ပူးပေါင်းရင်းမြစ်များ

1 RÊNGHAI 12:11

Ka pa’n nin phur a inriktir a ni’n chu, keima len vângin chu kha nêka rik nang ni bôk pe nôk ki ti. Hmolin nangni a vîkin chu, keima’n chu, sakor isep angin nin chunga chuangin nangni sep ki ti,” ti roh an ti pea.

2 THURCHI SUINA 10:11

ka pa khan nin puak a inriktir ok a ni’n chu keima’n chu bôk sa nôk ki ti; hrui leh vîkna tonghaiin keima’n chu âinuvêt leh nangni hrem ki ti, ti ro,” an tia.

2 THURCHI SUINA 10:14

Ruathartehai chongbe angin Rehoboama’n, mihai kuang, “Ka pa khan nin puak an riktir hrai ma ni? keima’n bôk sa nôk ki ti. Hrui leh vîkin nangni a hrema, keima’n chu âinuvêt leh nangni hrem ki ti,” a tia.

ISAIA 33:4

Khâi intâm angin râl sum chu an irchua, a hrût hrangin an irvâk soi a ni ta.

EZEKIELA 2:6

“Mihriam nâipa, nangin anni chu chi no ro, an chongbâihai sikin rot ual no roh. Ni thu zôm no nihaia, nang doi an ti, âinuvêt laia om ang ni ni ti. Tehelzong tak an ni, chihai viat no ro, an hmêl inlang dân khom chi viat no roh.

JOELA 1:4

Thing irnge irlungin a ifâk mihlia murdi chu khâihmimsein a fâka; khaihmimse’n a ifâk mihlia murdi chu irlungin a fâk zoi, thing irnge’n a ifâk ban ka kai kha irlungin a fâk zoi.

JOELA 2:25

Nin laia ki sipai rual tamtak ki tîr, khâihmimse hai, thing irnge hai, longak hai, thing irnge longakhaiin an ifâk zoi kumhai kha nangni thuan nôk ki ti.

NAHUMA 3:15

Kha khan meiin nang kâng irhmang a ta, khandaiin nang sât that a ta, khâiin chîmu an ifâk irhmang ngai angin fâk irhmangin om ni ti.

NAHUMA 3:17

Ni mi rênglukhum khumhai kha khâihmimse ang an nia, ni sipai hruaituhai kha phalbi laia khâi rual irchunkhôm ang an nia. Aniachu misa a hong suaka, an vuang irhmanga, an omna hmun zel inhriat ni ma.

LUKA 10:19

An kuang, “Irngai u ta, mirûl, âinuvêt hai, râlpa hrâtna murdi hai sirbe theina ircham nangni ki pêk a ni, ite’n nangni inna viat no ni.

DÂN INHNINA 8:15

ama khan ramchâr irzat tak le ichiom tak taka nangni a hruai intheng sika, mirûl hai, mirûl inchukna mihai le âinuvêt tamna rama hai, tui om loina ramchâra hai nin fe khan lungpui ngar tak ata tui nangni a ipêk kha.

THUPHUANG 9:5

Khan, khâihai kha mihriamhai kha that hrangin chu pe maka, tha ringa sûng denginthei hrangin an pêk. Deng an theizia chu âinuvêtin mi a sêa, deng a intheitir ang hi a ni.

THUPHUANG 9:7

Khahai kha sakor irdoina fe hranga irsiam chak an anga; an lua khan rângachak rênglukhum ang zek khuma, an hmâihai kha mihriam hmâi a anga.

ROIRÊLTUHAI 7:12

Midian-hai, Amalek-hai le ramchâra omhai chu irhôra khan an irthek mura, khâi pung ang mai an ni, an saringseihai khom muanga chiaiphoi anga tep zoiloi an ni.