THUPHUANG 9:20 - PATHIAN LEKHABU IRTHIANG C.L. Bible (BSI)

²⁰ Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.

THUPHUANG 9:20 ပူးပေါင်းရင်းမြစ်များ

DANIELA 5:23

irvân Rêngpa nêkin ni lian uala, a ina bûr bêlhai ni lâka, nang le ni mi lianhai ni dôngma le ni lâksîrhaiin uain inna’n nin hmanga; sumruhai, rângachakhai, dâr le thîr, thinghaiin lunga isiam pathianhai hmu theiloi, irngai theiloi, inhre theiloi kha nin chôiindôma; khan Pathian ni hringna murdi a kuta omtu khom inzak loiin.

DÂN INHNINA 31:29

Ki thi hnunga chu a sân siat zoi nin ta, ki thu nangni irchutir kha zôm nuam no chin ni. Inhnung tena len vâng chu Rengpa ikhap kha tho si sit nin ta, a ninginmurtir nin ta, irhmangna nin ti,’ a tia.

THUPHUANG 9:21

An mi that hai, dôi hmang hai, an irdit porinche hai, an inrûkhai ata khom irlet ual mahai.

1 TIMOTHEA toc2 1 TIMOTHEA 4:1

Zoro hnungkhôna chu mihaiin iamna thu hi la’rheisan an ti, irtha dikloi la iam an ta, ramilhlihai irchutirna la zui an tih ti irtha fel takin an sîr.

TÎRTÔNHAI SINTHO 19:26

Khannisianlân, hi Paula sintho hi nangni khomin nin hmu, nin inhriat, Efesi khuaa vai khom ni loiin Asia ram pumpuia ti hrang dôrin hi mi hin, ‘kuta siam pathianhai hi pathian ni viat mahai,’ tiin mi tamtak an thêm inhnê zoi tâka.

TÎRTÔNHAI SINTHO 7:41

Kha hnung chu, khahai khan sehrât irlim an sina, a’rlim kha satakin an biaka, an kut suaka khan an lôm tâka.

JEREMIA 1:16

Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

2 KORINTH 12:21

Ki zuang nôk tika nin mithmua ki Pathianin ni mualinphoitir a ta, matona thil sual thohai, an thil porinche tho, irditna hai, hurna hai irlet ual loiin mi tamtak sikin chapna ki ti, tih hi ki ichi sa a ni.

JEREMIA 51:17

Hi hi mi tinin an hmu’n chu, mihriamhai invêtin inhriatna nei loiin an oma, millim siamtuhai chu an inzaka, an isin pathianhai kha a dûr, hringna nei loi an ni sikin.

TÎRTÔNHAI SINTHO 17:29

Khanchu, Pathian irchihai ei ni’n chu, Pathian chu rângachak mani, sumin mani, lung mani, mihriam thiamthei le inkunga songhai ang mani hi niin ei ibe hrang ni mah.

MATHAIA 21:32

Baptistu Johana khan lampui dik nin izui hrang nangni irhmu a zuanga, lei iam mak chêia; khâzana irfuangtuhai le notizuarhaiin chu an lei iam a ni. Nangni chu nin hmu hnung khomin nin ngaituana thûlin ama iam mak chêi,” a tia.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

JEREMIA 25:6

pathian danghai le nin isiam millimhai chubai mûk loiin, Rengpa ningmur loi hrangin nangni an inhril ngaia. Rengpa thu nin lei izôm ni sianlân chu dûk nangni tho no ni.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

INPÂKNA HLAHAI 106:37

a ni, ramilhli kuanghai irbôlna’n an nâipahai an nâinuhai an inhlana.

2 THURCHI SUINA 34:25

Anni hnôla, pathian dang kuang thilinhlanhai an inhlana, an sintho’n ki ning an inmurtir a ni. Jerusalem chunga ki ning an mur tak taka, dâi thei lik no ni.

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

DÂN INHNINA 32:17

Pathian ni loi ramilhli an biaka, an pahai inhriat ngai loi le chi ngailoi an biak tâka, pathian thar lâm te tehai.

THUPHUANG 16:8

Vântîrtôn minlina khan a berbu kha misaa a bunpaia; misa lum khan mihriamhai em inlông hrangin phal a ni.

ISAIA 41:7

Thil incher mihaiin rângachak chunga buak inpuarin, an millim siam innâmtirhai khan, “A siam insa,” tiin a siamtu khan ar chutira, an hnîng loina hrangin thîr kalna leh an kal khaka.

ISAIA 2:8

An rama khan millim a bita, An kuta an isinhai chubai an mûka.

2 THURCHI SUINA 28:22

A sân a charindong lai tak khomin Ahaza chu Rengpa ata a sual uala.

LEVI DÂN 17:7

Kêl lu nei ramilhli an ibiak hrang ni ta ma; khaang biak chu Rengpa ata an iuire a ni. Hi dân hi Israel mihaiin kumkhua’n an izôm hrang a ni.

DÂN INHNINA 4:28

Kha rama khan mihriam kuthai irlim, thing mani lung mani, chong theiloi, inhre thei saloi, hmu theiloi le thil mirim khom inhre thei loiin biak nin ti.

DANIELA 5:4

Uain inna in, rângachak, sumru, thîr, dâr, lunghaia siam pathianhai an chôiirsânghai dup dupa.

MIKA 5:13

Nangma ata ni millim siam chophai le ni lungphunhai kha inboipai ki ta; ni kut suak thil kha biak ta no chi ni.

THUPHUANG 9:19

Sakorhai sinthotheina kha an bâia le an irmeia khan a oma; an irmeihai kha mirûl angin a oma, lu an nei saa, ama khan mi an innatir ngai a ni.

THUPHUANG 15:1

Khanchu, irvâna thilirkhêl dang roiinpui tak le irkhêltak ki hmua. Vântîrtôn sariin hripui sari an chôia, kha kha dengintheina hnungkhôn takhai an ni; kha tena khan Pathian ningmurna a hek tâk sikin.