THUPHUANG 9:1 - PATHIAN LEKHABU IRTHIANG C.L. Bible (BSI)

¹ Vântîrtôn ringana khan a bekul a hong tuma, khanchu, ârsi, irvân ata irnênga tâk ki hmua, a kuang khurmongboi châbi an pêka.

THUPHUANG 9:1 ပူးပေါင်းရင်းမြစ်များ

ISAIA 14:12

O sikhovâr, zîng tianga nâipa, itho mo irvân ata ni itâk? Nam tin inrîltir thei, itina mo hnuaia teh ni tâk tâka?

LUKA 10:18

Jisua’n a sâma, “Setana irvân ata michêk anga zuang tâk ki hmu,” a tia.

LUKA 8:31

Khurmongboia pai thâk loi hrangin Jisua kha an ngêna.

ROM KHUAA MIHAI KUANGA TÎRTÔN PAULA LEKHATHON 10:7

“Tu mo irnêng rîla zu fe hranga? (ama kha thina ata tu mo Krista a hong ihruai hrang tihna a ni) mo nin lungrîlin ti no roi,” a tia.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

THUPHUANG 1:20

Ama hi ki kut chang tianga ârsi sari ni ihmuhai le rângachak meiser siana sarihai omzia irthup chu a ni: Ârsi sari chu Koiindang sarihai vântîrtôn an nia, meiser siana sari chu Koiindang sarihai an ni.

THUPHUANG 11:7

Khan, an inhriatna thu an insîr zoiin chu khurmongboi ata sahrâng hong suak hrang khan doihai a ta, inhnêhai a ta, thathai a ti.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 20:1

Khan, vântîrtôn irvân ata zuang chuma khurmongboia châbi le thîrhrui lianpa a ichôi ki hmua.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 6:13

Phâivopui theipui ra selhai a inthingpai zit ngai angin ârsihai kha irnênga an chil chûm chûm tâka.

THUPHUANG 8:10

Vântîrtôn an thumna khan a bekul a hong tuma, ârsi lianpa, meiser anga chok, irvân ata zuang tâkin vadung hmun thuma sena hmunkhat le tuikhanglian kha a dela.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

THUPHUANG 8:2

Khan, vântîrtôn sari Pathian makunga ngîr ngaihai kha ki hmua, an kuang bekul sari an pêka.

THUPHUANG 9:2

Ârsi khan khurmongboi kha a inhonga, khur ata kha meikhu, meipui thi theiloi khu khak angin a hong suaka, kha meikhu sika khan misa le irvân hai a hong inthim ta.