THUPHUANG 8:8 - PATHIAN LEKHABU IRTHIANG C.L. Bible (BSI)

⁸ Vântîrtôn an hnina khan a bekul a hong tuma, tâng lianpa meiin a ikâng lai ang tuikhangliana an paithâka. Khanchu, tuikhanglian hmun thuma sena hmunkhat chu thisen a chang tâka,

THUPHUANG 8:8 ပူးပေါင်းရင်းမြစ်များ

JEREMIA 51:25

Babulon ram, nang chu rammual pumpui insiattu mual ang kha ni nia, khan keima Rengpa hi ni râl ki ni. Ki kut leh nang indom ki ta, hnuaia nan zâltir ki ta, irvâmchit ni ti.

EZEKIELA 14:9

Khan, deipu’n inthêma omin thu hril sianlân, kei Rengpa hin deipu chu ki ihuang a nia, a chunga khan ki kut irlek ki ta, ki mi Israelhai lai ata inboipaihai zit ki ti.

AMOSA 7:4

Rengpa khan inlârna a nir hmutir nôka, a mihai hremna hrangin mei a ikoi lai ki hmua, mei khan tui inthûk tak kha a kâng zita, ram khom kâng hrang a nia.

ZAKARIA 13:8

Ki mihai chu doihai ki ta, khanchu ram sûng murdia mipuihai chu hmun thuma sena hmun hni chu thi an ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

MARKA 11:23

A diktakin nangni ki hril, tukhom hi Oliv tâng hi irsonin lân, so tuikhangliana zu irpai roh, ti sianlân, lungrîla lunghla viat loiin a ihril kha tung ngêt a ti, iamtuhai ka chu an ihril ang takin hmu an ti.

THUPHUANG 11:6

Khahai khan Pathian thu an insîr sûng chu rua tholoi hranga irvân khâr theina irtha an neia, tui, thisen, inchang theina irtha an nei sa, khabana rammual hi an nuam dôr dengintheina tinrênga dengintheitir theina irtha an nei sa a ni.

THUPHUANG 12:4

A’rmeiin irvâna ârsi hmun thuma sena hmunkhat chu a zêma, irnênga a paithâk ta. Nupangnu nâi kha a zuang suak le chu a lei fâk theina hrangin nupangnu matona khan a ngîr ngita.

THUPHUANG 8:7

Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.

THUPHUANG 9:15

Kha dârkâr le sûn le tha kum hranga irsiam tâk vântîrtôn minlihai kha, mihriamhai hmun thuma sena hmunkhat that hrangin an insuahai tâka.

THUPHUANG 9:18

Kha hremna inthumhai: mei, meikhu, le kât an bâia irthoka suak khan mihriam hmun thuma sena hmunkhat chu a that ta.