THUPHUANG 8:7 - PATHIAN LEKHABU IRTHIANG C.L. Bible (BSI)

⁷ Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.

THUPHUANG 8:7 ပူးပေါင်းရင်းမြစ်များ

INPÂKNA HLAHAI 105:32

Ama khan rua irthûlin irial an tho pea, An rama khan kôlirlek lop lop a pêka;

FESUAKNA 9:33

Mosia chu Faroa kuang ata khopui a suaksanin chu, Rengpa tiang a kut a phar tâka; khanchu irvân inrûm le irial chu a mong ta, rua khom inthotir ta maka.

ISAIA 28:2

Anni doi hrangin mi hrât le hâi Rengpa indang chu, phâivua hor thok, irial zuang tâk, ropui vânsâng laia tâk anga tuilian irsok angin, an ram zuan nôr a ti.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

ISAIA 32:19

Kha tena chu rampuihai kha dâiruamin om a ta, khopui khom hmun hoitaka om thei ta a ti.

EZEKIELA 38:22

Ama chu hripui le thisen insuana’n hrem ki ta, khanchu ama le a sipaihai le nam tamtak ama tianga kophai chunga khan ropuivânsâng le, irial le, mei le kât chu zuang bunthuan ki ti.

JOELA 2:30

Irvâna le irnênga thilirkhêlhai irhmutir ki ta, thisen hai, mei hai, meikhu inding hai leh.

JAKOBA toc2 JAKOBA 1:11

Misa, a hong suakin a sân a hong luma, hloisûl kha a em inthêma, a pâr a tâka a enhoina a boi ngai. Khaang khan, irchong khom a sinthôna irhmangin om a ti.

JOSUA 10:11

Amor mihai kha an intân laiin Rengpa’n irial liantak takin an dêngtira, Azeka an tung dênin irialin a dênghaia, Israelhai ithat nêkin irial idênga thi hi an tam ual.

1 PETERA toc2 1 PETERA 1:24

Pathian Thubu’n, “Mi murdi hloisûl ang an ni, An roiinpuinahai khom hloisûl pâr ang a ni, Hloisûl chu a chuaia, A pârhai chu a tâka.

THUPHUANG 12:4

A’rmeiin irvâna ârsi hmun thuma sena hmunkhat chu a zêma, irnênga a paithâk ta. Nupangnu nâi kha a zuang suak le chu a lei fâk theina hrangin nupangnu matona khan a ngîr ngita.

THUPHUANG 16:2

Vântîrtôn masa taktu kha a fea, a berbu kha irnênga a bunpaia; khanchu, sahrâng le a’rsinsiananeihai le a’rlim chubai mûktuhai chunga khan pân hri saloi natak a suak tâka.

THUPHUANG 16:21

Irvân ata irial lian tak tak, her sômringa ang dôra rik, mihriam chunga a tâka. Irial hremna sika khan Pathian kha an hrilsiata, kha hremna kha a na ta hrai sikin.

THUPHUANG 6:8

Ki hong ena, sakor dâng ki hmua. A chunga chuangtu irhming kha Thina a nia, mithi khua’na zui sa. Khandai hai, châm hai, hri hai, ram sahrâng hai hmanga that hrangin irnêng hi hmun minlia sena hmunkhat chunga irchamneina an pêka.

THUPHUANG 7:1

Kha irzoiin chu, muanga le tuikhangliana le thingkunghai rêng rênga phâivua a tho ta loina hrangin phâivua chela irnêng kil minlia ngîr vântîrtôn minli ki hmua.

THUPHUANG 9:15

Kha dârkâr le sûn le tha kum hranga irsiam tâk vântîrtôn minlihai kha, mihriamhai hmun thuma sena hmunkhat that hrangin an insuahai tâka.

THUPHUANG 9:18

Kha hremna inthumhai: mei, meikhu, le kât an bâia irthoka suak khan mihriam hmun thuma sena hmunkhat chu a that ta.

THUPHUANG 9:4

Irnênga hloisûl hai, thilhring hai le thingkung hring hai rêng rêng chu sê viat loia, mihriam an michala Pathian irsinsiana nei loihai vai kha sê hrangin an hrila.