THUPHUANG 8:5 - PATHIAN LEKHABU IRTHIANG C.L. Bible (BSI)

⁵ Khan, vântîrtôn khan mirimhoi hâlna kok kha a lâka, maichâma meiin an sipa, irnênga a paithâka, khanchu, hnukirhai, khonri hai, kôlirtêk hai, hnîngnu hai a hong om zôi ta.

THUPHUANG 8:5 ပူးပေါင်းရင်းမြစ်များ

1 RÊNGHAI 19:11

Rengpa’n a kuang khan, “Hong suakin lân, tâng sîpa hin hongin lân, Rengpa makunga hin hong ngîr ro,” a tia. Rengpa chu a hong nâia, phâivuapui hrât tak a hong thoa, tânghai a chima, lungpuihai a chim remruma; khannisianlân, phâivua kâra khan Rengpa chu om ual mah. Phâivua a chumin chu hnîngnu a hong inhnîng nôka, hnîngnu kâra khom khan Rengpa om ual maka.

INPÂKNA HLAHAI 18:13

Rengpa chu irvânhaia khin ar sê lul lula, Anchungtaka khan ar hâi a suaka, Irialhai le mei irlinghai a tâk sup sup tâka.

FESUAKNA 19:16

Sûn thum nî zînga khan chu khua a hong irzila kôl a irtêka, tâng sîp ata sûm a zuang irsâtira, bekul inring takin an tuma; riakbuka om an rêngin an phûk an thinga.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

ISAIA 66:6

Khopui sûnga irhâi om chu, Tempil sûnga irhâi chu imo a inih ta? Rengpa phuba lâk irhâi a ni, a râlhai a ithuanna a ni.

JEREMIA 51:11

Rengpa’n Babulon ram chu insiatchit a tum sikin, Media rênghai a intorhai dîm a ni ta, hiang hin a nia, tempil siatna kha phuba a lâk hrang dân chu. A doitu sipai ulianhai khan thu an pêka, “Nin thalhai intât inngaih unglân, nin phohai siam diam ta roi.

LEVI DÂN 16:12

Mei lâkna’n maichâma meiri-al kha lâk a ta, mirimhoi hâl zât hap hni le hmun irthiang taka a hong ichôi hrang a ni.

ZAKARIA 14:5

Khan nangni chu hi mual inhnihai kâra irhôr ata hi zôk nin ta, nin irchibulhaiin Judai ram rêng, Uzia inlal laia hnîngnupui ata an izôk ang khan nangni khom zôk nin ti. Rengpa ki Pathian chu vântirtônhai murdi leh zuang a ti.

MATHAIA 24:7

Nam le nam irdoi an ta, ram le ram irdoi an ti. Hmun tina châm tâk a ta, hnîngnu inhnîng a ti.

LUKA 12:49

“Irnêng hâl hranga zuang ki ni, atûn khom kâng zôi ta sian ki ti!

TÎRTÔNHAI SINTHO 16:26

Khanchu, irningloiin hnîngnupui a hong inhnînga, intângna in lungphûmhai ten khom ar nok zit tâka.

TÎRTÔNHAI SINTHO 4:31

Khaanga an chongchai zoiin chu an omkhômna hmun kha a hong inhnînga, an rêngin Irtha Irthiangin an sipa, hâi takin Pathian thu an hril tâka.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 4:5

Rengtoihmuna irthokin kôlirtêk, hnukirhai, khonri hai an hong suak dur dura. Rengtoihmun matona khan meiser sari a choka, khahai kha Pathian Irtha sarihai kha an ni.

THUPHUANG 6:12

Belrate’n irsinsiana ki rukna an hong lai kha ki ena, Hnîngnupui a hong inhnînga, misa kha samul puan vom angin a hong duka, tha khom thisen ang dôrin a hong sen tâka.

THUPHUANG 8:3

Vântîrtôn dang a honga, rângachak mirimhoi hâlna kok chôiin maichâm kôla a ngîra, Pathian mihai chongchaina le rêngtoihmun makunga rângachak maichâm chunga inhlan hrangin a kuang mirimhoi tamtak an pêka.