THUPHUANG 8:3 - PATHIAN LEKHABU IRTHIANG C.L. Bible (BSI)

³ Vântîrtôn dang a honga, rângachak mirimhoi hâlna kok chôiin maichâm kôla a ngîra, Pathian mihai chongchaina le rêngtoihmun makunga rângachak maichâm chunga inhlan hrangin a kuang mirimhoi tamtak an pêka.

THUPHUANG 8:3 ပူးပေါင်းရင်းမြစ်များ

1 RÊNGHAI 7:50

Rângachak khilât, meiser infâina hai, mirimhoi hâlna kok hai, mei siana hai chu rângachakin a siamhaia. Tempil hmun irthiang tak le a danghai tentanin inkhâr le a kôl vêlhai rângachaka siam a ni.

INPÂKNA HLAHAI 141:2

Ki chongchaina hi mirimhoi angin lei pomin lân, Ki kut phar hi khohloi tiang irbôlna angin om ri se.

FESUAKNA 40:26

Rângachak maichâm chu puan in sûnga tentan puanzâr kôla a doa.

ISAIA 6:6

Seraf inkhat a zuang vuanga, meichep leh maichâma mei chu a zuan chepa,

EZEKIELA 41:22

Khanchu Hmun Irthiang tak lûtna mân tiang khan, thil inkhat thing maichâm ni ômtak hi a oma, a’rsâng lam chu mûk thum a nia, a khang chu mûk hni a ni. Khanchu a’rkia chopuihai le a toinahai le a kôlhai kha thinga siam ving a nia. Khanchu mihriam khan ki kuang, “Hi hi Rengpa makunga dokâng chu a ni,” a tia.

AMOSA 9:1

Maichâm kôla ngîrin Rengpa kha ki hmua, khan, ama khan, “Mikot kôlhai an hnîng theina hrangin a sîp michalhai kha zêmin lân, an rênga lu chunga zêmirnôi zit roh. Khan, a thi banhai kha chu khandaiin that ki ta, inkhat khom intân irhmang no nihaia, inkhat khomin lôi sa no nihai a ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

NAMBAR 4:11

“Kha hnung chu rângachak maichâm kha puan dum leh irkhu an ta, savun leh irkhu an ta, a zônfung khom inkhop an ti.

NAMBAR 7:62

Sekel sôm irangpuia rik mirimhoia sip rângachak khethûk khat;

LUKA 1:10

Mirimhoi a hâl laiin mipuihai an rêngin pên tiang an lei chongchaia.

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

HEBRAI toc2 HEBRAI 9:4

A sûnga khan mirimhoi hâlna hmun rângachak maichâm le rângachak inluan Thuthung Bôm a oma; kha Thuthung Bôm sûnga khan mana omna rângachak kola hai, Arona khianghrol hong incher hai le thupêk irziakna lungphêk inhnihai kha an oma.

THUPHUANG 10:1

Khan, vântîrtôn hrât tak dang irvân ata zuang chum ki hmua. Sûmin ar tuama, a lua sumrisâng ar zâma, a hmâi kha misa angin a oma, a kehai kha mei chopui angin a om.

THUPHUANG 14:18

Vântîrtôn dang, mei chunga ircham neitu, maichâma irthokin a hong suaka. Kôite ngaihtak chôitu kuang khan hnukirhai inring takin, “Ni kôite kha hmangin lân, irnênga grep ra khu zu ât roh, an hmin tâk sikin!” a tia.

THUPHUANG 5:8

Lekhabu irzuat kha a lâk le chu, thilhring minli le upa sômhniminlihai kha, serânda le rângachak berbu mirimhoia sip chôi sengin, Belrate makunga khan an inboka; kha mirimhoi kha Pathian mihai chongchaina a ni.

THUPHUANG 6:9

Khanchu, Belrate khan irsinsiana a ringana an hong le chu, Pathian thu an insîr sik le Pathian inhriatpuitu an nina tiang iam a om sika thata omhai irtha kha maichâm hnuaia ki hmua.

THUPHUANG 7:2

Vântîrtôn dang, Pathian hring irsinsiana chôi, nisua tianga hong suak ki hmu. Ama khan vântîrtôn minli Pathianin irnêng le tuikhanglian siat theina thu a ipêkhai kha hnukirhai inring takin an sâma.

THUPHUANG 8:4

Mirimhoi khu kha Pathian mihai chongchaina le vântîrtôn kuta irthokin Pathian makunga a fe ta.

THUPHUANG 8:5

Khan, vântîrtôn khan mirimhoi hâlna kok kha a lâka, maichâma meiin an sipa, irnênga a paithâka, khanchu, hnukirhai, khonri hai, kôlirtêk hai, hnîngnu hai a hong om zôi ta.

THUPHUANG 9:13

Khan, vântîrtôn kirukna khan a bekul a hong tuma, khanchu, Pathian makunga rângachak maichâm irkia irthokin hnukirhai kin hriata.