THUPHUANG 8:2 - PATHIAN LEKHABU IRTHIANG C.L. Bible (BSI)

² Khan, vântîrtôn sari Pathian makunga ngîr ngaihai kha ki hmua, an kuang bekul sari an pêka.

THUPHUANG 8:2 ပူးပေါင်းရင်းမြစ်များ

ZAKARIA 4:10

Thil chîn terek zorohai hi tu’n mo a hmusit? Râifân takin om an ta, Jerubabela kuta dâr irhlûm inkhâi kha an ihmu hrang a nia; Hi sarihai ngei hi Rengpa mit kha an ni saa, irnêng pumpui chunga hin an irvâk vêl ngai, tiin.

MATHAIA 18:10

“Hi mi chîntehai laia inkhat lua hi hmusit loi hrangin irdîn roi, irvâna vântîrtônhaiin ka Pa irvâna mi, hmêl an hmu mai ngai ti nangni ki hril a ni.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

LUKA 1:19

Vântîrtôn khan, “Kei hi Pathian makunga ngîr ngai Gabriela ki ni, nang chongpui hrang le kha thu raifânom tak kha hril hranga itîr ki ni.

LUKA 21:36

Kha thil zuang tung hranghai tuang suaka, Mihriam Nâipa makunga nin ngîr theina hrangin itiklai khomin irngaitua’n chongchai roi,” a tia.

1 THESALONIKA 4:16

Rengpa ngei kha thupêk khêk irhai le, vântîrtôn roiinpui tak irhai le, Pathian bekul irhai le irvân ata zuang chum a ti, Kristaa thi tâkhai kha thoi masa an ti.

THUPHUANG 1:4

Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 15:1

Khanchu, irvâna thilirkhêl dang roiinpui tak le irkhêltak ki hmua. Vântîrtôn sariin hripui sari an chôia, kha kha dengintheina hnungkhôn takhai an ni; kha tena khan Pathian ningmurna a hek tâk sikin.

THUPHUANG 16:1

Tempil ata zuang suak irhai inringtak khan vântîrtôn sarihai kuang, “Fe unglân Pathian ningmurna berbu sarihai kha irnênga bunpai roi!” a iti kin hriata.

THUPHUANG 8:13

Khan, ki hong ena, irmupui vânlaizôla vuangin hnukirhai inring takin, “Vântîrtôn inthumhai bekul la tum hranga irhai hong om hrang sika khan irnênga omhai chung a rik e! a rik e! a rik e! a ti kin hriata.

THUPHUANG 8:6

Khan, vântîrtôn sari bekul sari chôihai kha tum hrangin an irsiam ta.

THUPHUANG 9:1

Vântîrtôn ringana khan a bekul a hong tuma, khanchu, ârsi, irvân ata irnênga tâk ki hmua, a kuang khurmongboi châbi an pêka.