THUPHUANG 7:3 - PATHIAN LEKHABU IRTHIANG C.L. Bible (BSI)

³ Vântîrtôn khan an kuang, “Ei Pathian suakhai an michala irsinsiana ei sia mâka chu irnêng le tuikhanglian le thingkunghai kha lan siat no roi,” a tia.

THUPHUANG 7:3 ပူးပေါင်းရင်းမြစ်များ

FESUAKNA 12:13

Thisen chu nin ta hrangin nin omna ina irsinsiana ni a ta; khanchu thisen ki hmu’n chu nangni irkân ki ta, khanchu Aigupta mihai dûk ki thohai tena chu, nangni irhmangtir hrangin hripui ite lêng ta no ni.

FESUAKNA 12:23

Rengpa kha Aigupta mihai that hrangin a hong itung ngêt hrang a nia; khanchu mikot chung le inkhâr sîr hnia thisen kop kha a hmu’n chu Rengpa khan mikot kha irkân a ta, in sûnga khan nangni that hrangin vântirtôn mi that ngai kha hong lût phal no ni.

ISAIA 27:8

Sala om hrangin a tîr suakhaia, nisua phâivua saloi a’rngamtir ta.

ISAIA 54:17

Nangma doina hrangin an hriamhrei siamhai chu inhroi loiin. Nangma doituhai chu thei loi changin om an ti. Hi hi Rengpa siahlohai dong hrang chu a ni, zoina pe a ti, Rengpa thusuakin a ti.

ISAIA 6:13

Sôma inkhat irang maiin pe khom sian ite a’rfêna om no nia, Sesua le thing irkit zoia a bula a’rzung la om ang hi ni a ta. Ama kha irchi irthiang bul chu a ni,” a tia.

ISAIA 65:8

Rengpa’n hiang hin a ti: “Grep dôn tûte’n pai ngai mahai, uainin kêng an siam ngai. Ki siahlohai khom hi an rêngin, thathai ving no ning.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

EZEKIELA 9:6

Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

DANIELA 3:26

Khanchu, Nebukadnezara chu hâlirvômna meipui mikot bula a hong nâia, “Sadraka, Mesaka le Abednego, nangni anchungtak Pathian suakhaio, hong suak unglân, hin hong roi,” tiin a chongpuihaia. Khanchu Sadraka, Mesaka le Abednego chu meipui lai ata an hong suaka.

DANIELA 6:16

Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

MALAKIA 3:18

Khanchu hong irhei kîr nin ta, mi fel le mi sia, Pathian sinthotu le tholoitu kha theithâk thei ta nin ti,” a tia.

MATHAIA 24:22

Khannisianlân, Pathianin kha sûnhai kha an bong ta ni no len vâng sian chu tûte hringin suak no nihai. A mi inthanghai sikin Pathianin kha sûnhai kha inbong a ti.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

JOHANA 3:33

Tukhom a thu inhriattir pom chu mi dik a nih ti pom indet a ni.

ROM KHUAA MIHAI KUANGA TÎRTÔN PAULA LEKHATHON 6:22

Atûn chu sual ata irkiang nin ni tâka, Pathian suaka nin lût tâk sikin kumtuang hringna chang hranga irthiangtir nin ni ta.

THUPHUANG 13:16

Khanchu, sahrâng khan mi murdi, a lian a chîn, ar chong an riang, suak le suakloi khom, an kut chang tiang mani, an michala mani, irsinsiana nei seng hrangin an phûta.

THUPHUANG 13:17

Sahrâng irhming mani, a’rhming nambar mani, indangna nei loihai ka chu, tûte’n ite irchôkin an zuar thei loina hrangin.

THUPHUANG 14:1

Khan ki hong ena, Belrate kha Zion Tânga, mi 144,000 (Nuaikhat sîngminli sângminli) an michala ar hming le a Pa irhming irziakhai leh ngîrin ki hmua.

THUPHUANG 14:9

Khan, vântîrtôn inthumna khan vântîrtôn inkhatna le inhnina a hong zuia, hnukirhai inring takin, “Tukhom sahrâng le a’rlim chubai mûk le a michala mani, an kuta mani a’rsinsiana chuang murdi chu;

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 22:4

A hmêl hmu an ta, ar hming an michala chuang sa a ti.

THUPHUANG 6:6

Thilhring minlihai lai ata suak ni le irhoi hnukirhai kin hriata, “Fapui khamphulu khat sûn khat hlo, barli khamphulu thum sûn khat hlo, khannisian, oliv thing le grep irhuan chu insiat no roh,” a iti kin hriata.

THUPHUANG 7:1

Kha irzoiin chu, muanga le tuikhangliana le thingkunghai rêng rênga phâivua a tho ta loina hrangin phâivua chela irnêng kil minlia ngîr vântîrtôn minli ki hmua.

THUPHUANG 7:2

Vântîrtôn dang, Pathian hring irsinsiana chôi, nisua tianga hong suak ki hmu. Ama khan vântîrtôn minli Pathianin irnêng le tuikhanglian siat theina thu a ipêkhai kha hnukirhai inring takin an sâma.

THUPHUANG 9:4

Irnênga hloisûl hai, thilhring hai le thingkung hring hai rêng rêng chu sê viat loia, mihriam an michala Pathian irsinsiana nei loihai vai kha sê hrangin an hrila.