THUPHUANG 7:17 - PATHIAN LEKHABU IRTHIANG C.L. Bible (BSI)

¹⁷ Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.

THUPHUANG 7:17 ပူးပေါင်းရင်းမြစ်များ

INPÂKNA HLAHAI 22:26

Thuhnuairôlhai khan fâ an ta, khop an ti: Ama zongtuhai khan Rengpa kha inpâk an ti: Nin milung chu kumkhua’n hringin om ri se.

INPÂKNA HLAHAI 23:5

A ni doituhai mit hmua ki makunga hin khalâi ni nir fûktir pe ngaia: Ki lu hi sahriak ni ni’rthutir tâka, ki khilâta hin a lêt mai.

INPÂKNA HLAHAI 28:9

Ni mihai saninhringin lân, nangma tahai kha satvur roh: Annihai kha infa’n lân, kumkhua’n pom roh.

ISAIA 12:3

Saninhringna tuikuang ata, râifân takin tui chôi roi,

ISAIA 25:6

Hi tânga hin Itinrêng Rengpa’n mi murdihai hrangin hruai inthe a ta, Uain thum a sa chi le a hnînghai le, sâ khom a tui zât inzenin sinsiam a ti.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 30:19

Nangni Zion tânga mi Jerusalem khuaa omhaio, chap nôk ta no chin ni; changpui innanga nin khêk irhâi an hriatin chu nangni inren a ta, nangni donsui a ti.

ISAIA 30:25

Nin râlhai isem an nia, an kulhai a chim zoiin chu, tâng irsâng le mual pônga tui luang loina hmuna luang a ta.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 49:9

Intângna ina omhai chu, ‘Suak roi,’ ti ki ta. Inthima omhai chu, ‘A vâra hong suak roi,’ ti sa ki ti. Kêlbelra angin lampuia irtet an ta, mual sûl tam loina hmuna khom sûlhring hmu mai an ti.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

ISAIA 60:20

Nangma hrangin chu misa tâk ta ngai no nia, tha khom inlang loi nî om ual no ni. Rengpa kha ni kumtuang vâr ni a ta, lusûnna nei ta no chi ni.

ISAIA 65:19

Jerusalem chunga lôm mai ki ta, ki mihaiin nin lômtir an ti. Chap irhâi inhriat hrang om ta no nia, chardonga khêk irhâi khom om ta no ni.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 31:9

Chap puma hong nihai khomsian, irtharngam sakin hruaihai ki ti. Tui kôla le lampui tuanin an irtet thei loina hrangin hruaihai ki ta, Israelhai ta hrangin pa ni ki ta. Efraima chu ki nâilutîr a ni,” a tia.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

MIKA 5:4

Ama kha chu ngîr a ta, Rengpa hrâtna’n a sâ rual kha infâ a ta, Rengpa a Pathian irhming roiinpuina ngei khan: khan, anni kha zôkin om mai an ta; ama kha irnêng mong dênin a iroiinpui hrang a ni.

MIKA 7:14

Karmel tâng kâra ramhnuaia beidong taka om, nir chon dong belra pâl, ni mihai kha ni hêmvuak hmangin infa’n lân: tianlai ang khan Basan le Gilead infa’n om ri sehai.

MATHAIA 2:6

“Nang, Bethlehem, Judai rama om, Judai ram khopui laia hin chîn ual hliak mak che, Ni sûng ata optu a zuang isuak hrang a ni, ki mi Israelhai hruaitu hrang chu iti hi,” tiin an sâma.

MATHAIA 5:4

“Irtha’nvâihai chu an vân a sa e, irtharngam la ni an ti.

JOHANA 10:11

Kei hi belra enkoltu sa ki ni; belra enkoltu sa’n a belrahai hrangin a hringna a pêk ngai.

JOHANA 10:14

Kei chu belra enkoltu sa ki ni, ki ta chu kin hriat, ki ta khomin an nin hriat.

JOHANA 4:10

Jisua’n a sâma, “Pathian thilpêk le ni kuang, ‘In hrang ni pe roh,’ tihtu hi inhre’n lân chu, a kuang ni inghi lem hrang a ni, ama’n chu tui hring nang a ipêk hrang a ni,” a tia.

JOHANA 4:11

Nupangnu khan, “Ka pu, kaisuana hrang ite lak nei mak chea, tuikuang a inthûk tia le te, kho taka mo tui hring ni inei?

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

1 PETERA toc2 1 PETERA 5:2

Nin laia Pathian belrahai kha enkol insa roi, nakhrâtin ni loiin Pathian nuamlam anga irzuk taka tho’n, fâk sa hrang sabei sika ni loiin, sintho nuamna lungrîl irputin enkol roi.

THUPHUANG 14:4

Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

THUPHUANG 21:22

Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 22:1

Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 5:6

Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.