THUPHUANG 7:16 - PATHIAN LEKHABU IRTHIANG C.L. Bible (BSI)

¹⁶ An phîngchâm ta no nia, an tui khom inhrâl ta no ni. Misa’n emhai ta no nia, a sâna lum rêng rêng tuang ta no nihai.

THUPHUANG 7:16 ပူးပေါင်းရင်းမြစ်များ

INPÂKNA HLAHAI 121:5

Rengpa chu nang a vêngtu a nia; Ama chu ni chang tianga nang irhlîtu a ni.

INPÂKNA HLAHAI 121:6

Sûna misa’n nang em no nia, Zâna tha’n nang em ual no ni.

INPÂKNA HLAHAI 143:6

Ki kulhai hi ni tiang ki phar ngaia; Ki hringna hi ramchâr tak angin Nangmaa a inhrâl a ni.

INPÂKNA HLAHAI 42:2

Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

INPÂKNA HLAHAI 63:1

O Pathian, nang chu ki Pathian ni nia; zîng taka nang zong ki ti: Ramchâr tak, tui om loinaa hin ki hringna hi nangma irzukin a dangchâra, ki taksa hin nang a irngai a ni.

HLAHAI HLA 1:6

Ki duk sika hin nin sit ual no’n lân, misa’n a ni em induk sika a ni. Ki nuchahaiin ki chunga an ningmur an insuma, grep irhuana sintho hrangin an ni tîra; ki taksa ir-enkolna hrang zoro nei ma ung.

ISAIA 25:4

Inriang le changpui innanghai hranga kul ni nia, An char a dongin chu an hor bîk ngaia, Sûn misa luma dâihlîm ni chang pehaia.

ISAIA 32:2

Phâivuapui a tho khoma an irbîkna hrang, ruapui lai ata an hul theina hrang, ramchâra tui luang le tângchâra lungpui raifân angin om an ti.

ISAIA 41:17

Inrianghai le invâihaiin tui in hrang zong an ta, An hmu no khomin an dangchâr chu kei Rengpa hin sâmhai ki ta, Israelhai Pathian hin masan no ning.

ISAIA 49:10

An phîngchâmin tuiinhrâl ta ngai no nihai, phâivua lum le sûn misa lum khom chi ual no nihai. An hruaitu’n an renhaia, tui tamna hmuna a hruaihai ngai.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

JONA 4:8

Khan, hi hi a nia, misa a hong suakin chu Pathianin nisua tianga phâivua lum a lei inkunga; khan, misa khan Jona lu kha a ema, a chinginrîla, a ta hrang khan thi a ngên tâka, “Keima hrang hin hring nêkin thi a sa ual,” a tia.

MATHAIA 13:21

Khannisian irzung inthûk a thâk no sikin om sôt ngai mah. Thu sika intakna mani, dengintheina mani a hong om le chu an tûk zôi zel ngai a ni.

MATHAIA 13:6

Khannisianlân, misa a hong irsâng uala, a thêma, irzung a lâk thei no sikin a châra.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

MARKA 4:17

Khannisianlân, annia khan irzung tha maka, zoro sôtnote vai a diara, kha hnungin chu thu sika intakna mani, dengtheina mani, a hong om le chu an rîl zôi zel ngai a ni.

MARKA 4:6

Khan misa a hong irsâng ualin chu, a em inchâra irzung a thâk thei no sikin, a ram nôk chit ta.

LUKA 1:53

Phîngchâmhai chu thil tui tinrêngin a vâia, Irchonghai chu kut rongin an fetira.

LUKA 6:21

Nangni atûna phîngchâmhaio, nin vân a sa, Nin la khop hrang sikin! Nangni atûna chaphaio, nin vân a sa, nin lan nui hrang sikin.

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

JAKOBA toc2 JAKOBA 1:11

Misa, a hong suakin a sân a hong luma, hloisûl kha a em inthêma, a pâr a tâka a enhoina a boi ngai. Khaang khan, irchong khom a sinthôna irhmangin om a ti.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.