THUPHUANG 7:15 - PATHIAN LEKHABU IRTHIANG C.L. Bible (BSI)

¹⁵ Khasikin, Pathian toihmun makunga ngîrin, sûn le zânin a biak ina sin an tho ngai, khan, rêngtoihmuna toitu khan a puan in an chunga zâr a ti.

THUPHUANG 7:15 ပူးပေါင်းရင်းမြစ်များ

THUPHUANG 22:3

Khopuia khan Pathian khomâksâm rêng rêng om ta no ni. Pathian le Belrate rêngtoihmun kha om ta a ta, a suakhai khan chubai mûk an ti.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

1 THURCHI SUINA 23:25

Davida’n, “Rengpa Israelhai Pathianin a mihai chu râlirvei loiin an omtirhaia. Jerusalema a om mai hrang sikin.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 7:9

Kha irzoiin chu ki hong ena, mipui tam irkhêl tep zoiloi, zât tin, chi tin, nam tin le chong tina mihai puan chek sila tûm ônhai chôiin, rêngtoihmun le Belrate makunga ngîr ki hmua.

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.

HEBRAI toc2 HEBRAI 8:1

Ei insîr laia a poimo tak chu ama hi a ni: Khaanga Ochai Inlaltak, irvâna Reng Roiinpuitak rêngtoihmun chang tianga hong toi ei inei a ni.

1 KORINTH 3:16

Pathian in nin nih ti le Pathian irtha nangnia a om tih nin inhriat loi ma ni?

1 RÊNGHAI 6:13

Israelhai laia om ki ta, ki mi Israelhai chu masanhai no ning,” a tia.

FESUAKNA 29:45

Israel mihai laia lêng ki ta, an Pathian ni ki ti.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

LEVI DÂN 26:11

Nin laia om ki ta, nangni intha viat no ning.

EZEKIELA 37:27

Khataka khan kei chu anni leh omsuam ki ta, kei chu an Pathian ni ki ta, anni chu ki mihai ni an ti.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

THUPHUANG 4:9

Khan, thilhring minlihai khan rêngtoihmuna toi kumtuanga hring mai kuanga khan roiinpuina le chôiindômna hla an saka, lômthu an insîr rikipa,

THUPHUANG 13:6

Khanchu, Pathian le ar hming le a omna le irvâna omhai murdi hrilsiat an phut ta.

THUPHUANG 21:22

Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.