THUPHUANG 7:12 - PATHIAN LEKHABU IRTHIANG C.L. Bible (BSI)

¹² “Amen! Inpâkna hai, roiinpuina hai, vârna hai, lômthu insîrna hai, chôiindômna hai, Sinthotheina hai, Kumkhontuangin ei Pathian ta a ni mai! Amen!” tiin Pathian chubai a mûka.

THUPHUANG 7:12 ပူးပေါင်းရင်းမြစ်များ

NEHEMIA 12:46

Tianlaia Davida le Asafa dam laia hlasak pâlhai hruaitu an oma, Pathian inpâkna le lômna hlahai an sak ngaia.

NEHEMIA 12:8

Hihai khêla hin Levihai: Jesua hai, Binuia, Kadmiela, Serebia, Judahai lômthu insîrna an hruaitu Matania hai le a urênghai chu

INPÂKNA HLAHAI 100:4

Lômthu insîr pumin a mikotbâia khan lût unglân, Inpâk pumin a Biak In hualsûng tuala khan lût roi. A kuang lômthu insîr unglân, ama irhming chu inpâk roi.

INPÂKNA HLAHAI 106:48

Rengpa, Israelhai Pathian chu, inpâkin om ri se, Kumtuang ata kumtuang khomin. Mi murdi khan, “Amen,” ti ri se. Rengpa chu inpâk roi.

INPÂKNA HLAHAI 107:22

Anni khan lômthu’nsîr irbôlnahai kha inhlan sianlân, An sinthohai kha hla sakin hril ri se.

INPÂKNA HLAHAI 116:17

Lômthu hril irbôlnahai chu nang inhlan ki ta, Rengpa irhming chu irlam ki ti.

INPÂKNA HLAHAI 147:7

Lômthu insîra Rengpa chôiindômin hla sak unglân; Serânda leh ei Pathian inpâkin zâi roi.

INPÂKNA HLAHAI 41:13

Rengpa, Israel Pathian chu kumtuang ata kumtuang dênin inpâkin om ri se. Amen, Amen.

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

INPÂKNA HLAHAI 72:19

A’rhming roiinpui tak hi kumkhua’n inpâkin om sa sianlân; Irnêng pumpui khom hi a roiinpuinaa insipin om ri se. Amen, Amen.

INPÂKNA HLAHAI 89:52

Rengpa chu kumkhua’n inpâkin om ri se. Amen, Amen.

INPÂKNA HLAHAI 95:2

Lômthu insîrin a makunga fe ei ti, Inpâkna hla saka ama chôiindômin raifân takin irhâi insua ei ti.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

JONA 2:9

Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

1 KORINTH 14:16

Pathian kuanga irtha vaiin lômthu nin sîrin te, inkhôma hong chang mi narânhai khan nin chong kha inhriat no nihaia, nin lômthu insîra khan itin mo “Amen” an iti thei hrang?

2 KORINTH 4:15

Hihai tinrêng hi nangni hrang sika a ni; Pathian lungkhamna’n mi tam ual a izo tîr tîr ang khan, khahai khan Pathian roiinpuina hrangin lômthu insîrna chongchai Pathian kuang inhlan ual ual an ti.

KOLOSA 2:7

Amaa khan irzung kaiin irzom unglân, irchuin nin om ang khan iamnaa khan ngîr indet unglân, lômthu insîr uar roi.

KOLOSA 3:17

Krista zâra Pathian kuanga lômthu hril pumin, nin itho murdi, thu’nsîra mani sinthoa mani Rengpa Jisua irhmingin tho zit roi.

JUDA 1:25

Pathian omsun, a ni saninhringtu kuang khan, ei Rengpa Jisua Krista zâra, roiinpuina hai, inlalna hai, sinthotheina hai, irchamneina hai zoro theng tâk murdihai ata atûn le kumtuang dênin om mai ri se. Amen.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

THUPHUANG 19:4

Khanchu, upa sômhni minlihai le thilhring minlihai khan inbokin, “Amen! Haleluia,” tiin Pathian, rêngtoihmuna toitu kha chubai an mûka.