THUPHUANG 7:1 - PATHIAN LEKHABU IRTHIANG C.L. Bible (BSI)

¹ Kha irzoiin chu, muanga le tuikhangliana le thingkunghai rêng rênga phâivua a tho ta loina hrangin phâivua chela irnêng kil minlia ngîr vântîrtôn minli ki hmua.

THUPHUANG 7:1 ပူးပေါင်းရင်းမြစ်များ

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ISAIA 27:3

Kei Rengpa hi a hrungtu ki nia, tiklai khomin tui ki buaka, tûte’n an tôn loina hrangin a sûn a zân ki hrunga.

ISAIA 27:8

Sala om hrangin a tîr suakhaia, nisua phâivua saloi a’rngamtir ta.

JEREMIA 49:36

Kil tina irthokin Elam chu phâivuahaiin sêm ki ta, ram inkhat lua an invâi loina a om mâka chu, a mihai kil tina in thekindartirhai ki ti.

EZEKIELA 37:9

Khan Pathianin ki kuang, “Mihriam nâipa, phâivuahai kuang thu hrilin lân, an kuang khan Rengpa Pathianin kil tin ata honga, hi mithihai sûnga hin phûk pehaia, inhringtirhai nôk hrangin thu nangni a pêk ti hrilhai ro,” tiin a hrila.

EZEKIELA 7:2

“Nang mihriam nâipa,” Rengpa pathianin Israel ram kuanga hiang hin a ti a ni; “Mongna, mongna chu ram kil minlia a hong tung tâk e.

DANIELA 11:4

A hong suak ata chu a ram chu irsem ni a ta, kôlkil minlia hin irsem ni a ti, ar chihai hrang ni loiin, a thunei laia a irêl ang ni loiin; a ram chu a mihai hrang ni loiin, mi danghai hrang sutpai ni a ti.

DANIELA 7:2

Daniela’n zân inlârna khan hmu ki neia, irngai ro, kôlkung minlia phâivua hi tuipui lian taka ang khan a hong hrânga.

DANIELA 8:8

Kêlchalpa kha lian le hrât ar ti lai takin, a’rki roiinpuitak kha a kiak pea; ama irthûla khan irki dang inlâr ual minli, kôlkung minli irhîlin a hong suak nôka.

JONA 1:4

Khannisianlân, Rengpa khan phâivua kha a satêrengin tuikhangliana khan an thotira, tuikhangliana khan a satêrengin phâivopui a thoa, khanchu, irkuang kha koi hrang angin a om tâka.

ZAKARIA 6:1

Khanchu inlârna ki hmu nôka, sumsen tâng inhni kâr ata hi sakor tâli minli hong suak hi ki hmua.

ZAKARIA 6:5

Khan ama khan, “Hihai hi irvâna irtha minlihai chu an ni, irnêng pumpui Rengpa makung ata zuang suak an ni,” tiin a ni sâma.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

MARKA 13:27

Kha tikin chu kôlkung ata kiang tianga kôlkung dêna rammual kil minli sûng ata Pathian mi inthanghai bûm hrangin vântîrtônhai tîr suak a ti.

THUPHUANG 20:8

khanchu rammual pumpuia nam tin irthekindarhai, Gog le Magog huanga, irdoinaa hong hruai bûm hrangin fe suak a ti. An tam lam chu tuikhangliana chiaiphoi dôr an ni.

THUPHUANG 6:6

Thilhring minlihai lai ata suak ni le irhoi hnukirhai kin hriata, “Fapui khamphulu khat sûn khat hlo, barli khamphulu thum sûn khat hlo, khannisian, oliv thing le grep irhuan chu insiat no roh,” a iti kin hriata.

THUPHUANG 7:3

Vântîrtôn khan an kuang, “Ei Pathian suakhai an michala irsinsiana ei sia mâka chu irnêng le tuikhanglian le thingkunghai kha lan siat no roi,” a tia.

THUPHUANG 8:7

Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.

THUPHUANG 9:14

Hnukirhai khan vântîrtôn kirukna kuang, “Eufrates tuidunga vântîrtôn minli ikhithai kha insua ro!” a tia.

THUPHUANG 9:4

Irnênga hloisûl hai, thilhring hai le thingkung hring hai rêng rêng chu sê viat loia, mihriam an michala Pathian irsinsiana nei loihai vai kha sê hrangin an hrila.