THUPHUANG 6:12 - PATHIAN LEKHABU IRTHIANG C.L. Bible (BSI)

¹² Belrate’n irsinsiana ki rukna an hong lai kha ki ena, Hnîngnupui a hong inhnînga, misa kha samul puan vom angin a hong duka, tha khom thisen ang dôrin a hong sen tâka.

THUPHUANG 6:12 ပူးပေါင်းရင်းမြစ်များ

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

ISAIA 34:4

Irvâna omhai khom khi râl angin, lekha angin irvân khi inzuatin om a ta, irvâna om murdi khi tâ an ti. Grep le theipui hnâ a ichil ang hin.

ISAIA 50:3

Irvân khom kin thimtira, lusûn puanduk sil ang hi a ni.

JOELA 2:10

An makunga irnêng an thinga; irvânhai an hnînga; misa le tha an thima, ârsihaiin an vâr an thupa:

JOELA 3:15

Misa le thahai an inthima, ârsihaiin an vârna an thupa.

AMOSA 1:1

Juda rêng Uzia inlal lai le Israel rêng Joasa nâipa Jeroboama inlal laia, hnîngnu mâna kum hnina khan, Tekoa sâ rual enkoltu laia om Amosa’n thu Israel chungchânga a ihmu chu.

AMOSA 8:9

Khan, Rengpa pathian thu suak khan, kha nikhua khan, hiang hin hong ni a ta, sûn laia misa intâktir ki ta, misa lum lai khan irnêng kha inthimtir ki ti.

ZAKARIA 14:5

Khan nangni chu hi mual inhnihai kâra irhôr ata hi zôk nin ta, nin irchibulhaiin Judai ram rêng, Uzia inlal laia hnîngnupui ata an izôk ang khan nangni khom zôk nin ti. Rengpa ki Pathian chu vântirtônhai murdi leh zuang a ti.

MATHAIA 11:21

“Korazin! ni chung a rik e! Bethsaida, ni chung a rik e! Nangnia sinirkhêl sinhai kha Tura le Sidon khuaa sin, ni ta sian chu bora puan silin irvut irpolin an sual ata irlet ta an ti.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

MATHAIA 24:7

Nam le nam irdoi an ta, ram le ram irdoi an ti. Hmun tina châm tâk a ta, hnîngnu inhnîng a ti.

MATHAIA 27:45

Khan, sûn dâr sômhleihni ata khohloi dâr thum ten chu rammual a zîng khak tâka.

MATHAIA 27:54

Sipai sâp le a kuanga sipai om Jisua thîrhai khan hnîngnupui inhnîng le thil omzia kha an hmu’n chu, “Hi mi hi Pathian Nâipa a ni lele hi te!” an tia.

MATHAIA 28:2

Voikhat rengin hnîngnu a hong inhnînga, irvân ata Rengpa Vântîrtôn a zuanga, a khârna lung kha an hlumpaia, a chunga a toia.

MARKA 15:33

Khan, sûn dâr sômhleihnia irthokin khohloi dâr thum ten chu rammual an thim khaka.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 16:18

Khan, kôl a’rtêka, irhai a zuang suaka, khonri, hnîngnu a hong inhnînga. Mihriam siam phut ata khaang dôra hnîngnu tho kha la om ngai mah. Khaanga hnîngnupui kha a natak a ni.

THUPHUANG 16:8

Vântîrtôn minlina khan a berbu kha misaa a bunpaia; misa lum khan mihriamhai em inlông hrangin phal a ni.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

THUPHUANG 8:5

Khan, vântîrtôn khan mirimhoi hâlna kok kha a lâka, maichâma meiin an sipa, irnênga a paithâka, khanchu, hnukirhai, khonri hai, kôlirtêk hai, hnîngnu hai a hong om zôi ta.