THUPHUANG 6:10 - PATHIAN LEKHABU IRTHIANG C.L. Bible (BSI)

¹⁰ Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

THUPHUANG 6:10 ပူးပေါင်းရင်းမြစ်များ

IRPHUTNA 4:10

Khanchu Rengpa’n, “Itho mo hiang sin hi teh ni tho tâka? Ni sangpa thisen irhâi khan irnêng ata a ni hong insam kêng.

INPÂKNA HLAHAI 119:84

Ni suak hin i dôra sôt mo a la inghâk hrang? Nuamning ni lôtuhai chunga hin itika mo roi ni irêl hrang?

INPÂKNA HLAHAI 13:1

O Rengpa, idôr ten mo ni ni irnghil kumkhua hrang tâk? Idôr ten mo keima ata ni hmâi ni ithup hrang tâk?

INPÂKNA HLAHAI 35:17

Rengpa, nangin idôr ten mo en ni ta? Ki hringna hi insiat an tumnahaia khan sansuakin lân, Ki ineisun tak hi kâmkeibakneihai ata khan sansuak roh.

INPÂKNA HLAHAI 79:10

Ithoa mo nam tinin, “Kho mo an Pathian kha te?” an iti. Ni siahlohai thisen suak phuba lâkna chu ei mithmua nam tin laia hin inhriat ni ri se.

INPÂKNA HLAHAI 9:12

Pathianin dengthei tuanghai kha an hriat maia; An ichap irhâi irnghil ngai mah. Ama khan mi nunsiahai chu deng an theitir ngai.

ISAIA 61:2

Rengpa’n a mihai an zôk hrang zoro le a râlhai; a ni pêk hrang zoro a tung tâk ti inpuang hranga a ni itîr ki ni. Lusûnhai kha irtharngam sakhai hranga a ni itîr ki ni.

CHAP HLA 3:64

Rengpa an sintho ang takin, anni khom intongtirhai roh.

DANIELA 12:6

khan mi tu’n mani, mi puan zerhmi sila irvo tuipui chunga om kuang khan, “Hi thil irkhêl mongna hrang hi, itika mo a ini hrang?” a tia.

DANIELA 8:13

Khanchu, vântirtôn inkhat hin vântirtôn dang kuang hianga ar don hi kin hriata, “I dôr ten mo hi inlârnaa thil hmua omhai hi a iom hrang? I dôr ten mo sualna hin a ni tina thilinhlanhai hmun hi a ilâk mai hrang? I dôr ten mo irvân sipaihai leh hi tempil hi sirbea a iom hrang?” tiin.

ZAKARIA 1:12

Khataka Rengpa vântîrtôn khan a sâma, “O sipaihai Rengpa, Jerusalem le Juda khopui chunga, hi kum sômsari ni ninginmurnahai hi i dôr ten mo lung ni inkham loi hrang?” a tia.

LUKA 2:29

“Rengpa, atûn ni thu ang ngêtin, ni suak hi irtharngam takin ni infetir hrang a ni tâka.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

ROM KHUAA MIHAI KUANGA TÎRTÔN PAULA LEKHATHON 12:19

Inditom takhaio, “Phuba la no unglân, Pathian ningmurna inkian ual roi; phuba rêng rêng keima lâk hrang a ni, keima’n thuan ki ti Rengpa’n a ti,” ti irziak a nia.

HEBRAI toc2 HEBRAI 12:24

Nangni chu Jisua, thuthung thar irfûktirtu kuang le thisen inthek, Abela thisen nêka thil sa ual inkungtu kuang nin ingîr a ni.

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

THUPHUANG 18:20

O irvân le Pathian mihai, tirtônhai le deipuhai, a ramna sika hin lôm ta roi! Nin chunga a tho lam angin Pathianin a irêl tâk a ni hi!

THUPHUANG 18:24

A sûnga deipuhai le Pathian mihai le irnênga ithat murdihai thisen suakna a ni sikin Babulon kha ihrem a ni.

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

ROIRÊLTUHAI 16:28

Khanchu, Samsona’n Rengpa a koia, “O Rengpa Pathian, nin hriat maiin lân, nin hrâttir ro ba; O Pathian, atûna vai hin ni hong inhrâttirin lân ki mitru inhni kêlsuakpaihai phuba Filistia mihai chunga hin hong la vak ki ti,” a tia.

1 SAMUELA 24:12

Rengpa’n nangma le ei chungchâng chu rêl ri se, Rengpa khan ki chunga ni thil tho hin kuttum nan tuangtir ri se. Khannisian keima’n chu ni chunga kut zel tha viat no ning.