THUPHUANG 5:6 - PATHIAN LEKHABU IRTHIANG C.L. Bible (BSI)

⁶ Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.

THUPHUANG 5:6 ပူးပေါင်းရင်းမြစ်များ

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

DANIELA 8:3

ki mit ki hong inlêngtira, ki hong ena, irngai ro, tui kôla khan kêlbelrachal irki inhni nei a ngîra; ar ki inhnihai chu an seia; inkhat kha a sei ual bîka, ar sâng ual kha a mông inhnung ual a nia.

MIKA 4:13

O Zion nâinu, thoiin lân chîl roh: ni ke kha thîr angin siam ki ta, ni ke zapha hmorhai kha dâr angin ki isiam hrang a ni: khan, chi tamtakhai kha zêm phiar ni ti; an thil hlep Rengpa ta hrangin ser indang bîk ni ta, an sum kha irnêng pumpuia Rengpa ta hrangin ser indang ni ti.

HABAKUKA 3:4

A’rtêkzia kha vâr ang dên a nia; A kut ata vâr irtêk a hong suaka, Ama khan a sinthotheina irthupin a om.

ZAKARIA 3:9

Irngai u ta, Josua makunga ki lung kha; lung inkhata khan mit sari a om a ni: Irngai roi, a chunga khan thil irziakhai irziak ki ta, kha ram saloinahai kha sûn khat zelin lapai zit ki ta, ti hi sipaihai Rengpa thu suak a ni.

ZAKARIA 4:10

Thil chîn terek zorohai hi tu’n mo a hmusit? Râifân takin om an ta, Jerubabela kuta dâr irhlûm inkhâi kha an ihmu hrang a nia; Hi sarihai ngei hi Rengpa mit kha an ni saa, irnêng pumpui chunga hin an irvâk vêl ngai, tiin.

NAMBAR 7:39

pum hâlirvôm thil inhlanna hrangin sehrâtchal tuai inkhat, belrachal inkhat, belrate kum khata mi inkhat;

NAMBAR 7:57

pum hâlirvôm thilinhlan sehrâtchal tuai inkhat belrachal inkhat, belrate a chal kum khat mi inkhat;

LUKA 1:69

A siahlo Davida irchi ata ei ta hrangin saninhringtu roiinpui tak an ding ta.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

JOHANA 1:36

Jisua chai vêl kha an thîra, “En u ta, Pathian Belrate so,” a tia.

TÎRTÔNHAI SINTHO 8:32

Pathian lekha thu irchâng a itep lai kha hi hi a ni: “Belra that hrang angin ama kha an hruaia, Belrate a mul eppu makunga a idâihrek angin ama kha a bâi âng mah,

THUPHUANG 1:4

Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,

THUPHUANG 12:11

Belrate thisen le thutak an inpuang sika khan inhnêna an changa, an hringna khom thi ngam rakin an phal sa.

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 14:1

Khan ki hong ena, Belrate kha Zion Tânga, mi 144,000 (Nuaikhat sîngminli sângminli) an michala ar hming le a Pa irhming irziakhai leh ngîrin ki hmua.

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 21:22

Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 22:1

Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,

THUPHUANG 22:3

Khopuia khan Pathian khomâksâm rêng rêng om ta no ni. Pathian le Belrate rêngtoihmun kha om ta a ta, a suakhai khan chubai mûk an ti.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

THUPHUANG 5:11

Ki hong en nôka, rêngtoihmun le thilhring minlihai le upahai kôla khan vântîrtôn tamtak hnukirhai kin hriata; an tam lam chu a sâng a sâng hmun sâng tamtak le a sîng a sîngin sîng tamtak an ni.

THUPHUANG 5:12

Khahai khan hnukirhai inring takin, “Belrate that tâk hi, Sinthotheina hai, irchongna hai, vârna hai, hrâtna hai, chôiindômna hai, roiinpuina hai le inpâknahai hmurua a ni,” an tia.

THUPHUANG 5:13

Khabana, irvân le irnêng chung le irnêng hnuai le tuikhangliana thilhring tinrênghai le rammual sûnga thilhring om murdihaiin, “Rengtoihmuna toitu le Belrate kuanga khan, Inpâkna hai, chôiindômna hai, roiinpuina hai le sinthotheina hai, kumtuangin om ri se,” ti hla an isak kin hriat sa.

THUPHUANG 5:14

Thilhring minlihai khan “Amen!” an tia, upahai khan inbokin chubai an mûka.

THUPHUANG 6:16

Tânghai le lungpui kuang khan, “Ni delin lân, rêngtoihmuna toitu hmêla irthok le Belrate ningmurna ata ni thup roi!

1 SAMUELA 2:10

Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.