THUPHUANG 5:5 - PATHIAN LEKHABU IRTHIANG C.L. Bible (BSI)

⁵ Khanchu, upahai laia inkhatin ki kuang, “Chap no roh. Irngai ta! Juda nama mi Kâmkeibaknei, Davida bulpui khan, a’rsinsiana sari kha inhonga, lekhabu irzuat kha phar hrangin an hnê ta,” a tia.

THUPHUANG 5:5 ပူးပေါင်းရင်းမြစ်များ

1 RÊNGHAI 10:20

sômkhat inhninaa rêngtoihmun hnung tiang khan, sehrâtchal lu irlim a oma, a sîr tianghai khan kâmkeibaknei irlim a om sa, khaang dôra rêng toihmun hoi le roiinpui chu kho rama khom la om ngai mah.

2 THURCHI SUINA 9:18

rêngtoihmuna luina hrang rângachak leidâk kalbi kiruk a sirnahai leh a sina. Toihmun thar chopui a neia, a chopui sîra khan kâmkeibaknei irlim an ngîrtira.

JOBA 41:15

A hlip irthua chuka om hi a isong tak a nia. Irtôn nata omin lung anga ngar a ni.

ISAIA 11:1

Thing phûrna bul a hong incher nôk ang hin, Jesaia irchi ata rêng thar hong suak a ti:

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

JEREMIA 31:16

Ni chap kha mongin lân, ni mitrithi hul ta ri se, ni sinna ra ât ni tih ti hi Rengpa thu suak a ni, anni chu râl ram ata la hong an ti.

DANIELA 7:16

A ngîrhai laia inkhat ki hong nâiin chu, an nihai laia thudik chu ki’rdona. khanchu a ni hrila, a thil hrilfiana khom kha a nin hriattira.

NAMBAR 24:9

Hi nam hi chu kâmkeibaknei hrât tak ang a nia, a inin chu tûte’n kaithoi ngam ngai mahai. Israelhai satvurtu chu satvurin om a ta, Israelhai khuasâltu chu khosâlin om a ti,” a tia.

LUKA 23:28

Jisua kha anni tiang a’rheia, “Jerusalem nuhaio, ni châ no roi, nangni le nin nâihai ta hrangin chap ual roi.

LUKA 7:13

Khan, Rengpa’n a hmu’n chu, kha nu kha lung an kham tak taka, “Chap ta no roh,” a tia.

LUKA 8:52

Khataka om murdi’n nâite lei sûnin an chapa. Jisua’n, “Chap no roi, a thi ni mah, a in kêng,” a tia.

JOHANA 20:13

Anni khan a kuang, “Nupang, ithoa mo ni ichap?” an tia. Ama khan an kuang, “Ki Rengpa an lâkpaia, an isiana inhre ma ung,” a tia.

ROM KHUAA MIHAI KUANGA TÎRTÔN PAULA LEKHATHON 1:3

A Nâipa, ei Rengpa Jisua Krista thu chu taksa tiang ei suiin chu Davida irchia suak a nia,

ROM KHUAA MIHAI KUANGA TÎRTÔN PAULA LEKHATHON 15:12

Isaia khomin hiang hin a ti: “Jesaia irzung hong irzâm ata, Jentailhai rêng hrangin hong suak a ti. Ama chunga Jentailhai khan an sabeina kha irnghat an ti,” ti a ni.

HEBRAI toc2 HEBRAI 7:14

Ei Rengpa chu Juda nama irthoka zuang irzir a nih ti inhriat infel a ni, Mosia’n ochai chungchâng thu an sîr laia khan hi nam hi sâm mah.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 4:10

Upa sômhni minlihai kha rêngtoihmuna toitu makunga khan inbokin kumtuanga hring maitu kha chubai an mûka. An rênglukhumhai kha rêngtoihmun matona siain,

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.

THUPHUANG 5:4

Lekhabu irzuat kha an honga, a en theirua tûte an om no sikin ki chap ngûi ngûia.

THUPHUANG 6:1

Belrate khan irsinsiana sari laia inkhatna kha an hong lai ki hmua, thilhring minlihai laia inkhat khan hnukirhai khonri ang dôra inringin, “Hong roh!” a iti kin hriata.

THUPHUANG 7:13

Khan, upahai laia inkhatin ki kuang, “Hi puan chek silhai hi tuhai man ni, kho rengata hong mo an ini?” tiin a nir dona.