6 Rengtoihmun matona ngîr khan Krustal lung anga vâr hlîmen tuikhanglian anga a om sa khan, rêngtoihmun irhîlin thilhring minli mân tiang le hnung tiang mita sip an oma.
Hurama’n dâra inluan tuipang lianpa’n a siama, a lâia ir-ông lian chu mûk sôma irzâ a nia, an thûk lam chu mûk ringa irsâng a ni, ar hlûm lian chu mûk sômthum vêl a ni.
Khan cherub tin chu hmâi minli an nei senga, hmâi inkhatna chu cherub hmêl a nia, hmâi inhnina chu mihriam hmêl a nia, hmâi inthumna chu kâmkeibaknei hmêl a nia, hmâi minlina chu irmupui hmêl a ni.
Rengtoihmun le thilhring minlihai le upahai makunga khan mi nuaikhat sîngminli le sângminli kha an ngîra, hla thar, anni vai irchu thei kha, an saka. Rammuala mi murdi laia kha mihai vai kha inhlan an ni.
Khan, hlîmen mei leh irpol tuikhanglian nia irhoi taka inlang ki hmua. Sahrâng le a’rlim le a’rhming nambar inhnêtuhai kha ki hmu sa. Pathian perkhuang chôiin, hlîmen tuikhanglian muanga khan an ngîra.
Mikot sômhleihnihai kha sailungvâr sômhleihni an nia, mikot tin kha sailungvâr inkhat senga siam a ni. Kha khopui tual kha chu rângachak irthiang hlîmen eninhlenthalthei anga hi a ni.
Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.
Ki hong en nôka, rêngtoihmun le thilhring minlihai le upahai kôla khan vântîrtôn tamtak hnukirhai kin hriata; an tam lam chu a sâng a sâng hmun sâng tamtak le a sîng a sîngin sîng tamtak an ni.
Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.
Lekhabu irzuat kha a lâk le chu, thilhring minli le upa sômhniminlihai kha, serânda le rângachak berbu mirimhoia sip chôi sengin, Belrate makunga khan an inboka; kha mirimhoi kha Pathian mihai chongchaina a ni.
Belrate khan irsinsiana sari laia inkhatna kha an hong lai ki hmua, thilhring minlihai laia inkhat khan hnukirhai khonri ang dôra inringin, “Hong roh!” a iti kin hriata.
Thilhring minlihai lai ata suak ni le irhoi hnukirhai kin hriata, “Fapui khamphulu khat sûn khat hlo, barli khamphulu thum sûn khat hlo, khannisian, oliv thing le grep irhuan chu insiat no roh,” a iti kin hriata.
Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.