THUPHUANG 4:5 - PATHIAN LEKHABU IRTHIANG C.L. Bible (BSI)

⁵ Rengtoihmuna irthokin kôlirtêk, hnukirhai, khonri hai an hong suak dur dura. Rengtoihmun matona khan meiser sari a choka, khahai kha Pathian Irtha sarihai kha an ni.

THUPHUANG 4:5 ပူးပေါင်းရင်းမြစ်များ

IRPHUTNA 15:7

Khan a kuang, “Hi ram lua hranga Kaldaihai khua, Ur ata hruai suaktu Rengpa kha ki ni,” a tia.

2 THURCHI SUINA 4:20

a iti angin Hmun Irthiang kôla inchok hrang meiser siana hai, meiser hâlin, rângachak fel fâi tak leh a sina;

INPÂKNA HLAHAI 68:35

O Pathian ni hmun irthianghai ata khan ichi ni iom a ni; ama’n Israelhai Pathian ngei khan a mihai kuang hrâtna le sinthotheina a ipêk ngai a ni. Pathian chu inpâkin om ri se.

FESUAKNA 19:16

Sûn thum nî zînga khan chu khua a hong irzila kôl a irtêka, tâng sîp ata sûm a zuang irsâtira, bekul inring takin an tuma; riakbuka om an rêngin an phûk an thinga.

FESUAKNA 20:18

Mipuihai khan khonri tho’n kôlirtêk an hmua, bekul irhâi an inhriata, tâng sîpa meikhu hlet hlut an hmu’n chu, an phûk an thinga, hlatak ata an thîra.

FESUAKNA 25:37

Meiser siana hmuna khan meiser sari inchokin lân maton tiang a êl theina hrangin a siana khan intoitir roh.

FESUAKNA 37:23

Meiser siana ôn sari hranga meiser bûr, a lu inchor sari, meichephai le mei chôina hmunhai rângachak felfatin a siama.

EZEKIELA 1:13

Thilhringhai laia khan inkhat chu meiser ang, meiri-al vâr tak ang hi, thilhringhai laia a suk a tunga fe a oma, mei chu a vâr tak taka, mei ata kôlirtêk a hong suaka.

JOELA 3:16

Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

ZAKARIA 4:2

Ki kuang, “Imo ni ihmu?” a tia. Khan, keima’n, “Rângachak meiser siana, a sîpa berbuhai le khataka meiser sarihai le a sîpa meiser hmûr sari seng omhai le,

MATHAIA 25:1

“Kha zoi hnung chu irvân Ram chu dôngmate sômhai, an meiserhai chôia, moineitu don hranga fehai leh irkhek ni ta a ti.

MATHAIA 3:11

Keima’n chu irlet entîrna hrangin tuiin nangni ki baptis ngaia; ki hnunga zuang hrangtu chu keima nêkin a roiinpui uala, a kekok chôi inruk khom ni ma ung.

TÎRTÔNHAI SINTHO 2:3

Milei anga om meidôn irsem indarin an hmua, an chunga a chuang chita.

THUPHUANG 1:4

Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,

THUPHUANG 10:3

kâmkeibaknei inhrâm ang dôrin hnukirhai inring takin a khêka. A khêk zoiin chu khonri sarihai khan inring takin an dona.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 3:1

“Sardis koiindanga vântîrtôn kuang hiang hin irziak roh: Hi thu hi Pathian irtha sari le ârsi neitu khan a insîr a ni. Ni sinthohai murdi kin hriat; thi chianin, hring irhming ni irput a ni!

THUPHUANG 5:6

Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.

THUPHUANG 8:5

Khan, vântîrtôn khan mirimhoi hâlna kok kha a lâka, maichâma meiin an sipa, irnênga a paithâka, khanchu, hnukirhai, khonri hai, kôlirtêk hai, hnîngnu hai a hong om zôi ta.