THUPHUANG 4:11 - PATHIAN LEKHABU IRTHIANG C.L. Bible (BSI)

¹¹ “Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 4:11 ပူးပေါင်းရင်းမြစ်များ

IRPHUTNA 1:1

Pathianin a phut taka irnêng le irvân a siama,

2 SAMUELA 22:4

Rengpa chu ki koia, ama khan ki râlhai kut ata a nin zôktir ngai. Rengpa chu inpâkin om ri se!

NEHEMIA 9:5

Khasikin Pathian biak hranga koihai chu; Levi mi, Jesua le Kadmiela hai, Bania hai, Hasabneia hai, Serebia hai, Hodia hai, Sebania hai, le Pethahia haiin, “Ngîr unglân, Rengpa nin Pathian chu kumtuanga hrangin inpâk roi. Chôiindômna le inpâkna murdiin a iphâk loi irhming roiinpui chu inpâkin om ri se,” an tia.

JOBA 36:3

Kin hriatnahai la hong irchunkhôm nôk hi rong, A ni siamtu dik lam târinlang ki ti.

INPÂKNA HLAHAI 18:3

Inpâk ruk Rengpa chu koi ki ta, Khanchu a ni doituhai ata saninhringin om ki ti.

INPÂKNA HLAHAI 68:34

Pathian kuanga khan hrâtna pe roi: A roiinpuina chu Israelhai chunga a oma, a hrâtna chu irvân dumhaia khin a om.

FESUAKNA 20:11

Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.

THUVÂRHAI 16:4

Rengpa thilsiam murdi hi omzia nei inzen a nia; mi siahai khom sûn saloia hrang an ni.

ISAIA 40:26

Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 40:28

Inhre mak chêi mo? Rengpa vai hi kumtuanga Pathian chu a nia, kôlkil minli sûnga om murdi hi, Ama isiam ving a ni.

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

JEREMIA 32:17

“Rengpa pathian, ni thuneina lian tak le ni hrâtna’n irnêng le irvân ni isiam a nia; nangma hrangin chu thil intak zel om maka.

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

TÎRTÔNHAI SINTHO 17:24

Pathian, rammual le a sûnga thil tinrêng siamtu chu, irnêng le irvân Rengpa a ni sikin kuta sin inhaia om ngai mah.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

EFESI 3:9

Pathian itinrêng siamtu kuanga kumtuanga thu irthupa om, a lei irfûktir kha, mi murdihai kuang inlangtir hrangin a ni iphun a ni.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

HEBRAI toc2 HEBRAI 1:10

“Nang Rengpa’n a phuta irnêng ni siama, irvân khom ni kut ngeia ni isiam a ni.

HEBRAI toc2 HEBRAI 1:2

Khannisianlân, sûn hnungkhônhai hin chu ei kuanga a Nâipa thu an sîr ta. Amaa khan Pathianin irnêng le irvân a siama, khabana ama kha sûn hnungkhônhaia chu thil tinrêng dong zit hrangin a iphun a ni.

THUPHUANG 1:6

khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 10:6

irvân hai, irnêng hai, tuikhanglian hai le a sûnga om tinrênghai siamtu Pathian, kumtuanga hring mai irhminga khomâk irsâmin, “Zoro om ta no ni,

THUPHUANG 14:7

Ama khan hnukirhai inring takin, “Mihriamhai roirêl zoro a hong tung tâk sikin Pathian chu chi unglân, chôiindôm roi! Irvân, irnêng tuikhanglian le tuihnâr hai siamtu kha chubai mûk roi!” a tia.

THUPHUANG 19:1

Kha zoiin chu irvâna mipui tamtakhai khêk irhai inring tak angin, “Haleluia! Saninhringna, roiinpuina, sinthotheina hai ei Pathian ta a ni!

THUPHUANG 5:12

Khahai khan hnukirhai inring takin, “Belrate that tâk hi, Sinthotheina hai, irchongna hai, vârna hai, hrâtna hai, chôiindômna hai, roiinpuina hai le inpâknahai hmurua a ni,” an tia.

THUPHUANG 5:2

Vântîrtôn hrâttak, hnukirhai inring takin, “Tu’n mo hi irsinsiana hi inhonga, lekhabu irzuat hi a phar thei hrang tâk?” tia tânginsam ki hmu sa.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.