THUPHUANG 4:1 - PATHIAN LEKHABU IRTHIANG C.L. Bible (BSI)

¹ Kha irzoiin chu inlârna dang ki hmua, ki hong ena, irvâna mikot irhong ki hmu. Khanchu, bekul irhai ang hnukirhai kin hriat masaa ni chongpuitu khan, “Hi hin hongin lân, inhnunga thil hong om hranghai nang inhmutir ki ti,” a tia.

THUPHUANG 4:1 ပူးပေါင်းရင်းမြစ်များ

FESUAKNA 1:1

Hihai hi Israel nâihai Aigupta rama omhai irhming chu a ni; mi tin mâni in sûngkuahai tuangin Jakoba kuang an fea.

FESUAKNA 19:24

Rengpa khan, “Zu chumin lân Arona hong hruai ro, khannisian ochaihai le mipuihai chu ki kuanga hong hrangin ramri an ikhêl viat hrang ni ma, khano’nchu deng ki intheitirhai hrang kêng,” a tia.

FESUAKNA 24:12

Rengpa’n Mosia kuang, “Tâng sîpa ki kuang hong luiin lân, ni mi hong hruaihai irchuhai ro, ki dân le thupêk ki’rziakna lungphêk inhnihai nang lei pe ki ta,” a tih pea.

THUVÂRHAI 25:7

Ni toihmun kha mi lianhai inkenhai roh an iti nêkin chu, “Toihmun sa uala hin hong intoitirhai ro” nang an iti chu a sa ual.

EZEKIELA 1:1

Kum sômthum kuma, tha minlina, tarik ringa nî’n Babulon rama Kebar dung kôla Judahai sal intâng laia ki om sa laiin irvân ar honga, Pathian inlârna ki hmua.

MATHAIA 3:16

Jisua kha baptisma a chang zoiin chu tui ata kha a suak zôi zela; a ta hrangin irvân ar honga, Pathian Irtha kha vasu anga suakin a chunga chuang a hmua.

MARKA 1:10

Tui ata a hong suak le chu irvân ar honga, Irtha, vasu anga ama chunga zuang chum a hmua,

LUKA 3:21

Khan, mi murdi baptisma an chang zoiin, Jisua khom baptisma a changa, a chongchai laiin irvân ar honga.

JOHANA 16:13

Irtha dik tak a zuang tung tika chu thutak murdia nangni hruai inlût a ti. Ama phuachôpin thu insîr no ni; thu a idong kha insîr a ta, thil la hong tung hrang khom nangni hril a ti.

TÎRTÔNHAI SINTHO 10:11

Irvân irhongin i mani puan lianpa ang kha, a kil minlia thunga irvâna irthokin zuang tâkin a hmua.

TÎRTÔNHAI SINTHO 7:56

“Irngai u ta, irvân irhong ki hmua, Pathian chang tiang Mihriam Nâipa ngîr khom ki hmu,” a tia.

THUPHUANG 1:10

Rengpa nia khan Irtha Irthiangin a ni pôla; khanchu ki hnunga irhai bekul anga inringin,

THUPHUANG 1:12

Tu mo ni chongpui tih inhriat nuamin ki hong irhêlin chu, rângachak meiser siana sari ki hmua;

THUPHUANG 1:19

Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 11:12

Khan, deipu inhnihai khan irvâna irthokin hnukirhai inring takin, “Hin hong roi!” ti chong an inhriata. An râlhaiin an en chian kârin sûm laia irvâna an fe tâka.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 16:17

Vântîrtôn sarina khan chu a berbu kha boiruaka a bunpaia, tempila rêngtoihmun ata irhai inring tak a zuang suaka, “ar zoi tâk!” tiin.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.

THUPHUANG 22:6

Khan, vântîrtôn khan ki kuang, “Hi thuhai hi iam a omin a idik a ni. Deipuhai kuang ama Irtha pêktu Rengpa Pathian khan thil hong tung zôi hranghai kha a suakhai kuang en hrangin vântîrtôn a itîr a ni,” a tia.