THUPHUANG 3:9 - PATHIAN LEKHABU IRTHIANG C.L. Bible (BSI)

⁹ Irngai ta! Setana pâla mi senkhathai, Juda ni loia, milak tho Juda irtihai kha hong tîr ki ta, ni ke bula chubai nang hong inmûktir ki ti; khanchu khahai khan lung nang ki thung tih inhriat an ti.

THUPHUANG 3:9 ပူးပေါင်းရင်းမြစ်များ

ESTHERI 8:17

Khanchu, ram bial tin le kho tina, rêng thupêk a tungna hmun tina, Judahaiin lômna le raifânna an neia, sûn irngamna le hruaithena hai khom an nei ta. Judahai kha an chi tâk sikin, kha rama mi tamtak chu Judaa an irlet tâk a ni.

FESUAKNA 11:8

Khan, hi ni siahlohai murdihai hi ki kuang hong an ta, ki makunga khûksadelin, ‘Nang zuitu hranghai murdi leh khan, suak ta ro,’ ni ti an ta. Khanchu kha zoi le khan suakpuihai ta ki ti,” a tia. Khanchu ningmur takin Faroa kha a suaksan tâka.

ISAIA 43:4

Nang ki’rngaiinhlu ngôi ngôia, nang irngaiirsângin lung nang ki thunga, Nangma sikin mi dang ki hnôlhaia, Mi tamtak ki ihnôlhai a ni.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

ISAIA 60:14

Deng nan theitirtu irchihai chu kûnin ni kuang hong an ti. Nang a hnuaisiahai ngai chu, ni ke bula khûksadelin om an ti. “Rengpa khopui, Israel mi irthiang Zion,” nang ti an ti.

JOHANA 17:23

Keima annia, nang keimaa omin, an inpumkhat tak takna hrangin; khanchu ni ni itîr a nih ti rammualin inhriat an ta, lung ni ni thung angin anni khom lung ni thung tih rammualin inhriat an ti.

THUPHUANG 2:9

Ni dengtheizia le nin riangzia kin hriat, khannisianlân, nir chong, Juda tak ni loia, Setana pâla mi Juda irtihai nang insîrinsiatzia kha kin hriat!

1 SAMUELA 2:36

Hiang hin ni a ta, ni ina la om murdihai kha tangka le bai ngênin, kha ochai kuang khan fe an ta, bai a chînte lua fa hrang ki hmu theina hrangin ochai sin, i khôk mani nin thotir ro, ti an ti,” a tia.