THUPHUANG 3:8 - PATHIAN LEKHABU IRTHIANG C.L. Bible (BSI)

⁸ Ni sintho murdi kin hriat: sinthotheina chînte ni nei, khan khomin ki thu ni poma, ki’rhming hnôl mak che ti kin hriat. Khasikin tûte khâr theiloi mikot kha ni makunga ki inhong a ni.

THUPHUANG 3:8 ပူးပေါင်းရင်းမြစ်များ

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

DANIELA 11:34

An irlet khomin changpuina chîntea indomin om an ta, mi tamtak êsêlin, êrôhai an ti.

LUKA 12:9

Khannisianlân, mihai makunga ni hnôl ka chu Mihriam Nâipa khomin Pathian vântîrtônhai makunga hnôl a ti.

JOHANA 15:20

Suak a pu nêkin roiinpui mah ti thu nin kuang ki insîr kha inhre mai roi. Anni’n deng an ni inthei ang khan nangni khom deng nangni lan theitir an ti; ki thu an zômin chu nin thu khom zôm an ti.

JOHANA 17:6

“Rammual ata mi ni ipêkhai kuang nir hming kin langtir ta; ni ta an nia; anni kha ni ni pêka; ni thu khom an zôm ta.

TÎRTÔNHAI SINTHO 14:27

An tungin chu koiindang mihai chu an koi bukhaia, Pathianin anni hmanga thil a itho murdi le Jentailhai ta hrang khom Jisua iamna lam ar hong thuhai an hrila.

1 KORINTH 16:9

Hi khua hin a ni doi tamtak om khomhai sian, sin roiinpuitak le sin kâmnang tak ki sin theina hranga zoro’nchum tak a iom a ni

2 KORINTH 2:12

Krista Thurchi Sa insîr hrangin Troas ki tungin chu, khataka sintho hrangin Rengpa’n lam a nin hong pe ki hmu.

FILIPI 4:13

A nin hrâttu sikin i khom tong hrangin hrâtna ki nei tâk a ni.

KOLOSA 4:3

Keini hrang khomin ni chongchai pe roi. A thu hrilna lampui Pathianin a nin hong pena hrangin, lung in ki intângna san Krista thurîl inpuang ki sunzom theina hrangin.

1 TIMOTHEA toc2 1 TIMOTHEA 5:8

Khannisianlân, tukhomin mâni in tiang le khuahai, a bîkin mâni in sûng mihai a donsui no’n chu a iamna kha a hnôla, iamloi mi nêkin an sual ual a ni.

2 TIMOTHEA toc2 2 TIMOTHEA 4:7

Intân irsiatna sa kha chu ki zoi tâka, ki’rhlanna hranga kin tân suaka, iamna kha ki ivong chian a ni;

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 2:2

Ni sintho murdia ni sin irnak songzia hai le ni diarzia hai, mi sualhai nirngai theizia hai, ni tirtôn ni loia tirtôn dang irtihai kha ni fiaa, milak an nih ti nin hriat tâkzia hai kha kin hriat.

THUPHUANG 22:7

Jisua’n, “Irngai roh! Ki izuang zôi zel hrang tâk kêng! Hi lekhabu lei hrilna pomhai ka chu an vân a sa,” a tia.

THUPHUANG 3:1

“Sardis koiindanga vântîrtôn kuang hiang hin irziak roh: Hi thu hi Pathian irtha sari le ârsi neitu khan a insîr a ni. Ni sinthohai murdi kin hriat; thi chianin, hring irhming ni irput a ni!

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:15

Ni sintho murdi kin hriat; a dâi khom ni mak che, a lum khom ni ual mak che. Ni idâi mani ni ilum mani ki nuam a ni!

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.