THUPHUANG 3:11 - PATHIAN LEKHABU IRTHIANG C.L. Bible (BSI)

¹¹ Ki izuang lat hrang tâk kêng, ni thil nei kha dôn chianin lân, khanchu inhnêna lômman ni idong tum kha nang irchupui no nihai.

THUPHUANG 3:11 ပူးပေါင်းရင်းမြစ်များ

ZEFANIA 1:14

Rengpa nikhua roiinpui tak kha anai tâk e, a nâiin a itheng lat hrang a ni, Rengpa nikho irhâi kha irkhêl tak a ni; kha khan mi hrât kha khêk rak rak a ti.

1 KORINTH 9:25

Irsiatnaa changhaiin chu lam tinrênga an irdîn ngai. Anni chu rênglukhum siatthei hmu hrangin an irsiata, eini’n chu rênglukhum siat theiloi hmu hranga a ni.

FILIPI 4:5

Nin tuangtheizia mi murdi inhriat ni ri se. Rengpa kha anai e.

2 TIMOTHEA toc2 2 TIMOTHEA 2:5

Mi intân irsiat khom dân ang taka an tân no’n chu lômman hmu thei no ni.

2 TIMOTHEA toc2 2 TIMOTHEA 4:8

atûn chu, thiamchangna, chôiindômna lukhum kha, dong hrang vai ki hmabâk a ni ta; kha kha roirêl dik, Rengpa khan, kha Nikhuaa khan ni pe a ta, keima vai ni loiin ama lungthunga, a zuang inlang nôk lei nghâkhai murdi kuang khom pe sa a ti.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

JAKOBA toc2 JAKOBA 5:9

Urênghaio, thiamno changa nin om loina hrangin irdem irhlôm no roi. Irngai u ta, Roirêltu chu mikot kôla a om chian tâk a ni.

THUPHUANG 1:3

Hi lei hrilna bu teptu le ar ngaihai le a sûnga thu om zômhai chu an vân a sa! Hihai murdi tungna hrang zoro hi anai tâk sikin.

THUPHUANG 16:15

“Irngai u ta! Inru angin ki izuang kêng! Irsiama irvô zoi diama omhai chu an vân a sa, silkai boiin a mualinphoi no hrang sikin.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 2:25

Nin inei sai kha chu ki zuang mâka chu intûk ngit roi.

THUPHUANG 22:12

Jisua’n, “Irngai roh! Ki izuang zôi zel hrang tâk kêng! mi tin an sintho ang senga pêk hrangin ki lômman ki kuang a om.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

THUPHUANG 22:7

Jisua’n, “Irngai roh! Ki izuang zôi zel hrang tâk kêng! Hi lekhabu lei hrilna pomhai ka chu an vân a sa,” a tia.

THUPHUANG 3:3

Khasikin irchutira ni om le ni inhriathai kha inhre maiin lân, zômin lân ni sualna ata irlet roh. Ni har no’n chu inru angin zuang ki ta, itika mo ni kuang ki izuang hrang inhre no chi ni.

THUPHUANG 4:10

Upa sômhni minlihai kha rêngtoihmuna toitu makunga khan inbokin kumtuanga hring maitu kha chubai an mûka. An rênglukhumhai kha rêngtoihmun matona siain,

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.