THUPHUANG 22:5 - PATHIAN LEKHABU IRTHIANG C.L. Bible (BSI)

⁵ Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 22:5 ပူးပေါင်းရင်းမြစ်များ

INPÂKNA HLAHAI 36:9

Hringna tuikhur chu ni kuanga om a nia: Ni vâra khan vâr la hmu kin ti.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

ZAKARIA 14:7

inthim khom om sa ta no ni. Zâna khom vâr mai ta a ti. Rengpa vaiin hi zoro tung hrang hi a inhriat a ni.

MATHAIA 19:28

Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

ROM KHUAA MIHAI KUANGA TÎRTÔN PAULA LEKHATHON 5:17

Mi inkhat, mimal sualna sika rammuala hin thina’n roi a rêl a ni tâkin chu, mi inkhat ngêt Jisua Krista sikin, Pathian lungkhamna irkhêl tak le thilmanboi pêk thiam changna dongtuhai chu, hringna changin roiinpui takin roirêl ngêt an ti.

2 TIMOTHEA toc2 2 TIMOTHEA 2:12

Ei tuangin chu, Ama leh roirêl sa ei ti. Ei hnôlin chu, ni hnôl a ti.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 18:23

Meiser vâr khom ni sûnga hmu nôk ni ta no ni, pasal le moi irhai ni sûnga inhre nôk ni viat ta no ni. Ni bepârhai kha rammual pumpuia mi lianhai an nia, ni dôi milakin rammual pumpuia mihai huangin an iom a ni ta!” a tia.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 20:6

Kha thoinôkna masa taka changhai kha chu an vân a sa’n an irthiang a ni. Khahai chunga khan chu thi hnina khan ircham rêng nei ta mah; Pathian le Krista Ochaihai ni an ta, ama leh kum sângkhat roirêl an ti.

THUPHUANG 21:11

Khopui khan Pathian roiinpuina a neia, lungmantam, Jasper lung angin, Krustal lung angin a vâra.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.