THUPHUANG 22:3 - PATHIAN LEKHABU IRTHIANG C.L. Bible (BSI)

³ Khopuia khan Pathian khomâksâm rêng rêng om ta no ni. Pathian le Belrate rêngtoihmun kha om ta a ta, a suakhai khan chubai mûk an ti.

THUPHUANG 22:3 ပူးပေါင်းရင်းမြစ်များ

INPÂKNA HLAHAI 16:11

Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.

INPÂKNA HLAHAI 17:15

Keima’n chu felna neiin ni hmêl ki hmua: Nangma angna neia ki meng tika chu lunginchuk ta ki ti.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

EZEKIELA 37:27

Khataka khan kei chu anni leh omsuam ki ta, kei chu an Pathian ni ki ta, anni chu ki mihai ni an ti.

EZEKIELA 48:35

A’rhîlin mûk sîngkhat sângriat ni a ta; kha khopui irhming kha, kha nî rengata chu, “Jehova Sammah ni a ti,” tiin.

ZAKARIA 14:11

Mipuihai chu khataka khan lungthi takin om an ta, siatna rêng rêng inchitirin om ta no nihai.

MATHAIA 25:21

A pu khan a kuang, ‘Siahlo sa le iamom, ni tho’n sa! tômte chunga iam ni oma tamtak chunga nang inomtir ki ti; ni pu lômna dong sa roh!’ a tia.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

JOHANA 13:32

Amaa Pathian chôiindôma a om khan, Pathianin ama khom a makunga chôiindôm a ta, chôiindôm zôi zel a ti.

JOHANA 14:3

Nin ta hranga hmun siamin ki fe’n chu zuang kîr nôk ki ta, ki kuang nangni hruai ki ti, ki omnaa nin om sa theina hrangin.

JOHANA 17:24

Ka Pa, nangin mi, ni ni ipêkhai hi ki kuanga om hrangin ki nuam, nangin lung ni ni thung sika rammual irsiang mâna ni ipêk ki roiinpuina kha an hmûna hrangin;

DÂN INHNINA 27:26

‘Hi dânhai hi pom nuam loia, zôm nuam loitu chu khosâl tong ri se,’ ti an ta, Mipui murdi’n, ‘Amen’ tiin lei sâm an ti.

THUPHUANG 7:10

Khahai khan hnukirhai inring takin, “Saninhringna hi ei Pathian, rêngtoihmuna toitu le Belrate kuanga irthoka a ni,” tiin an khêka.

THUPHUANG 7:9

Kha irzoiin chu ki hong ena, mipui tam irkhêl tep zoiloi, zât tin, chi tin, nam tin le chong tina mihai puan chek sila tûm ônhai chôiin, rêngtoihmun le Belrate makunga ngîr ki hmua.