THUPHUANG 22:14 - PATHIAN LEKHABU IRTHIANG C.L. Bible (BSI)

¹⁴ Hringna tuikuanga thei ra kha an fâk theina hrang le khopui kha an lût theina hranga an puan irsûk infâihai chu an vân a sa.

THUPHUANG 22:14 ပူးပေါင်းရင်းမြစ်များ

IRPHUTNA 2:9

Khan irnêng ata Rengpa Pathianin thing satak tak le fâk thei zât tinrêng a inmôngtira, hringna thingkung a laitaka a inmôngtira, a sa le a sia inhriatna thing.

IRPHUTNA 3:22

Khan, Rengpa Pathianin, “Irngai roi, mihriam chu a siat le sa inhriatin einihai ang an hong ni ta; atûn chu a kuta inbanin, hringna thing ra irhmala fâkin, kumkhua’n hring rôi a ti,” a tia.

INPÂKNA HLAHAI 112:1

Rengpa chu inpâk roi! Rengpa chi mi chu a vân a sa, A thupêkhaia sataka lôm mi chu.

INPÂKNA HLAHAI 118:20

Ama hi Rengpa mikot a nia; Mi felhai vai lût an ti.

FESUAKNA 19:10

Rengpa’n a kuanga, “Mipuihai kuang fe’n lân, a vuan le nangtûk khi thâr roh. An puanhai irsutirhaiin lân,

DANIELA 12:12

Nghâk za zâma sûn sângkhat irzathum sômthum ringa phâkhai chu la hoi pehai a ti.

JOHANA 10:7

Khanchu, Jisua’n an kuang thu an sîr nôka, “Thudik tak nangni ki hril, keima hi belrahai ta hrangin mikot ki ni.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 14:15

“Nangni’n lung nin ni thungin chu, ki thupêkhai zôm nin ti.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

JOHANA 4:12

Kin pu Jakoba nêkin ni iroiinpui ual ma ni? Ama khan hi tuikuang hi a ni pêka, ama le a nâihai le a sâ vâihai khomin hitaka hin an in ngai,” a tia.

1 KORINTH 7:19

Pathian thupêkhai zôm ti no zel chu sertan le tanloi ite ni mah.

1 KORINTH 8:9

Khannisianlân, nin zalênna sintho khan iamnaa hrât loihai kha suala an tûk loina hrangin irdîn roi.

1 KORINTH 9:5

Tirtôn danghai le Rengpa urênghai le Petera hai anga khan kin zinnaa Kristian dôngma hruai hrangin ircham ki inei loi ma ni?

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

1 JOHANA 3:3

Tukhom, Kristaa sabeina nei murdi’n chu ama a irthiang angin a’rthianginfâi ngai.

1 JOHANA 5:3

Pathian lung ei thungna chu hi hi a ni: a thupêkhai zôm hi; a thupêkhai chu eini ta hrangin ngar mah.

THUPHUANG 2:7

“Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 21:12

Kulpui irsângtak a neia, kha kulpui khan mikot sômhleihni a neia, mikothai nghâkin vântîrtôn sômhleihni an oma. Mikothaia khan Israel nam sômhleihnihai irhming a chuanga.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.

THUPHUANG 22:7

Jisua’n, “Irngai roh! Ki izuang zôi zel hrang tâk kêng! Hi lekhabu lei hrilna pomhai ka chu an vân a sa,” a tia.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.