THUPHUANG 22:12 - PATHIAN LEKHABU IRTHIANG C.L. Bible (BSI)

¹² Jisua’n, “Irngai roh! Ki izuang zôi zel hrang tâk kêng! mi tin an sintho ang senga pêk hrangin ki lômman ki kuang a om.

THUPHUANG 22:12 ပူးပေါင်းရင်းမြစ်များ

JOBA 34:11

Mi an sintho ang takin a thuan nôk ngai. Mi tin an omdân angin an chunga an tungtir ngai.

INPÂKNA HLAHAI 28:4

An sintho ang zêl le, an thilthohai a sualzia ang dênin thuanin lân; An kuta an itho ang dênin thuanin lân; An sualna man irhmutir roh.

ISAIA 40:10

En ro, Rengpa Pathian chu mi hrât hongin a honga, a kut hrâtna hmangin roirêl a ta, a isansuakhai hruai a ta, a irtanhai infâhai a ti.

ISAIA 62:11

Nam tin inhriatin Rengpa’n an puang ta. Zion nâihai chu hril ro, “Rengpa’n nangni a hong san ta, a isansuakhai a hong hruaihaia. A irtan saihai an fâhai ta,” tiin.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

ZEFANIA 1:14

Rengpa nikhua roiinpui tak kha anai tâk e, a nâiin a itheng lat hrang a ni, Rengpa nikho irhâi kha irkhêl tak a ni; kha khan mi hrât kha khêk rak rak a ti.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

ROM KHUAA MIHAI KUANGA TÎRTÔN PAULA LEKHATHON 14:12

Khanchu, ei rêngin Pathian makunga mâni thurchi insîr seng hrang ei ni.

1 KORINTH 3:14

Lungphûm chunga sin kha a kâng no’n chu a sintu’n lômman hmu a ti.

1 KORINTH 3:8

A phuntu le tuia infâtu chu sin hmunkhata sin an ni. An sin intam dâna zirin lômman hmu an ti.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

THUPHUANG 22:7

Jisua’n, “Irngai roh! Ki izuang zôi zel hrang tâk kêng! Hi lekhabu lei hrilna pomhai ka chu an vân a sa,” a tia.

THUPHUANG 3:11

Ki izuang lat hrang tâk kêng, ni thil nei kha dôn chianin lân, khanchu inhnêna lômman ni idong tum kha nang irchupui no nihai.