THUPHUANG 22:10 - PATHIAN LEKHABU IRTHIANG C.L. Bible (BSI)

¹⁰ Khanchu, ama khan ki kuang, “Hi lekhabu lei hrilna thuhai hi ip no roh, hihai murdi hong tungna hrang hi anai tâk sikin.

THUPHUANG 22:10 ပူးပေါင်းရင်းမြစ်များ

ISAIA 13:6

Khêk sup sup unglân, Rengpa nikhua chu anai ta, itinrêng thotheiin siatna intungtir a ti.

ISAIA 8:16

Ki irchutirhaio, thu nangni ki irchuhai kha, inhre maiin, vong insa roi.

EZEKIELA 12:23

Khasikin Rengpa pathian khan hiang hin a ti: Hi thuvâr tôi hi kin boipaia, Israel rama thuvâr tôia hmang ta ngai mahai; sûn chu anai tâka, inlârna tinrêng tung indik nî hrang chu, tiin an kuanga hril lem roh.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

DANIELA 12:9

Ama’n, “Daniela, fe’n lân, thu chu thup le chelkhak a ni ta, a mong dênin,

DANIELA 8:26

Khan zîng le khohloia inlârna ihrilhai kha a dik a ni; khannisian inlârna chu zoro hnungkhôna hrang a nih ti inhren lân,” a tia.

MATHAIA 10:27

Inthima nangni ki ihril hi sûn khovâra insîr unglân, inrûka nin inhriat hi in chunga chuangin tânginsampui roi.

ROM KHUAA MIHAI KUANGA TÎRTÔN PAULA LEKHATHON 13:11

Atûnlai thil omzia nin inhriat sikin le a inhai thoi zoro a ni tak tak tâk tih nin inhriat sikin, kha kha ki insîr a ni; atûn chu ei iam phut laia nêkin chu ei saninhringna chu anâi ual tâk a ni.

ROM KHUAA MIHAI KUANGA TÎRTÔN PAULA LEKHATHON 13:12

Zân hi a boi vâng vâng tâka, khua a ivâr hrang a ni ta; khasikin izînga sintho chu pai inlân, vâr irbelin irbel ta ei ti.

2 THESALONIKA toc2 2 THESALONIKA 2:3

Tukhomin i lampuia khom nangni hruai irhmang no ri se. Pathian ata tehelna chu a hong tunga, Dân insiatpa, Irhmang hrangpa kha, a hong inlang mâka chu kha Nikhua kha hong tung no ni.

1 PETERA toc2 1 PETERA 4:7

Thil tinrêng mongna zoro chu anai tâka, nin chongchai theina hrangin lungrîl irfîm tak irputin irvong infel roi.

THUPHUANG 1:11

“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 1:3

Hi lei hrilna bu teptu le ar ngaihai le a sûnga thu om zômhai chu an vân a sa! Hihai murdi tungna hrang zoro hi anai tâk sikin.

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 22:18

Kei, Johana’n, tukhom hi lekhabu lei hrilna thu inhriat murdi’n chu ngar takin kin hriattir: Tukhomin hi thuhai hi a bôkin chu, hi lekhabua a ihril hremnahai hi a chunga Pathianin bôk pe a ti.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

THUPHUANG 22:7

Jisua’n, “Irngai roh! Ki izuang zôi zel hrang tâk kêng! Hi lekhabu lei hrilna pomhai ka chu an vân a sa,” a tia.

THUPHUANG 22:9

Khannisianlân, ama khan ki kuang, “Khaang khan chu tho no roh. Kei khom nangma le ni urêng deipuhai le hi lekhabu thu pom murdihai suak chanpui kêng ki ini, Pathian chubai mûk roh!” a tia.

THUPHUANG 5:1

Khan, rêngtoihmuna toitu kut chang tianga khan lekhabu irzuat sûng tiang pên tianga irziak, irsinsiana sari neia irsinsia khak ki hmua.