THUPHUANG 22:1 - PATHIAN LEKHABU IRTHIANG C.L. Bible (BSI)

¹ Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,

THUPHUANG 22:1 ပူးပေါင်းရင်းမြစ်များ

INPÂKNA HLAHAI 46:4

Ivadung inkhat a oma, kha ônhai khan Pathian khopui an lômtir ngai, Anchungtaka omna hmun irthiang chu.

ISAIA 41:18

Mual le tângdunghaia tui inluangtir ki ta, irhôra tuihnâr inomtir ki ti, tâng chârna hmuna dîl siam ki ta, ramchârna khom tui luang a ti.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

ZAKARIA 14:8

Kha nikhua kha a hong tung tena chu, Jerusalem ata tuihringhai hong suak a ta, a chimrip chu Tuipui Thia luang lût a ta, a chimrip dang chu Mediteranean tuipuia lût a ti. Kumtuangin luang a ta, fûra khom, sâla khom.

JOHANA 13:32

Amaa Pathian chôiindôma a om khan, Pathianin ama khom a makunga chôiindôm a ta, chôiindôm zôi zel a ti.

JOHANA 15:26

“Irtharngamtu, Pa kuang ata nin kuang ki zuang itîr hrang kha, Pa rengata suak Irtha diktak kha a zuang tung tika ama’n ki thurchi nangni inhriattir a ti.

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

TÎRTÔNHAI SINTHO 2:33

Pathian chang tiang chôiindôm a ni tâka, Pa kuang ata Irtha Irthiang inkung kha a donga, nin ihmu le nin inhriat hi a thilpêk a zuang ibuak chu a ni hi.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 21:11

Khopui khan Pathian roiinpuina a neia, lungmantam, Jasper lung angin, Krustal lung angin a vâra.

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 21:9

Khan, berbu sari hremna hnungkhôn tak sari chôitu, vântîrtôn sarihai laia inkhat kha ki kuang a honga, “Hongin lân, Moi, Belrate dôngma hrang nang irhmutir ki ti,” a ni tia.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

THUPHUANG 22:6

Khan, vântîrtôn khan ki kuang, “Hi thuhai hi iam a omin a idik a ni. Deipuhai kuang ama Irtha pêktu Rengpa Pathian khan thil hong tung zôi hranghai kha a suakhai kuang en hrangin vântîrtôn a itîr a ni,” a tia.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 5:13

Khabana, irvân le irnêng chung le irnêng hnuai le tuikhangliana thilhring tinrênghai le rammual sûnga thilhring om murdihaiin, “Rengtoihmuna toitu le Belrate kuanga khan, Inpâkna hai, chôiindômna hai, roiinpuina hai le sinthotheina hai, kumtuangin om ri se,” ti hla an isak kin hriat sa.

THUPHUANG 5:6

Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.