THUPHUANG 21:6 - PATHIAN LEKHABU IRTHIANG C.L. Bible (BSI)

⁶ Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 21:6 ပူးပေါင်းရင်းမြစ်များ

INPÂKNA HLAHAI 36:9

Hringna tuikhur chu ni kuanga om a nia: Ni vâra khan vâr la hmu kin ti.

ISAIA 12:3

Saninhringna tuikuang ata, râifân takin tui chôi roi,

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

HOSEA 14:4

An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

JOHANA 4:10

Jisua’n a sâma, “Pathian thilpêk le ni kuang, ‘In hrang ni pe roh,’ tihtu hi inhre’n lân chu, a kuang ni inghi lem hrang a ni, ama’n chu tui hring nang a ipêk hrang a ni,” a tia.

JOHANA 4:11

Nupangnu khan, “Ka pu, kaisuana hrang ite lak nei mak chea, tuikuang a inthûk tia le te, kho taka mo tui hring ni inei?

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

ROM KHUAA MIHAI KUANGA TÎRTÔN PAULA LEKHATHON 3:24

Khannisianlân, Jisua Krista irtanna zâra Pathian chu a lungkhamna sika vai mi manboiin thiam an changtir ta.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

1 KORINTH 2:12

Ei idong hi rammual irtha ni maka, Pathianin thil a ni ipêkhai tinrêng ei inhriat theina hrangin Pathian zu itîr Irtha kha ei idong ual a ni.

1 KORINTH 3:12

Kha lungphûm chunga khan senkhatin rângachak mani, sum mani, lung mantam mani hmangin in sin an ta; senkhatin thing mani, hloisûl mani, fapôl mani hmangin sin an ti.

1 KORINTH 3:21

Khasikin tûte’n mihriamhai song no ri se. Thil tinrêng nin ta a ni.

1 KORINTH 3:5

Khano’nte Apolova chu i mani? Paula khom imo a ini? Nin iam theina hranga sinthotu an ini kêng; kha khom kha Rengpa’n a ipêk ang dênin an isin a ni.

THUPHUANG 1:11

“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 10:6

irvân hai, irnêng hai, tuikhanglian hai le a sûnga om tinrênghai siamtu Pathian, kumtuanga hring mai irhminga khomâk irsâmin, “Zoro om ta no ni,

THUPHUANG 16:17

Vântîrtôn sarina khan chu a berbu kha boiruaka a bunpaia, tempila rêngtoihmun ata irhai inring tak a zuang suaka, “ar zoi tâk!” tiin.

THUPHUANG 22:13

Kei Alfa le Omega, a maton tak le a hnungkhôn tak, a Bul le a Mong ki ni,” a tia.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

THUPHUANG 3:14

Laodikei koiindanga vântîrtôn kuang hiang hin irziak roh: “Hi thu hi Amen, inhriatpuitu diktak le iamom tak Pathian thilsiam bul khan a insîr a ni.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.