THUPHUANG 21:4 - PATHIAN LEKHABU IRTHIANG C.L. Bible (BSI)

⁴ “An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 21:4 ပူးပေါင်းရင်းမြစ်များ

INPÂKNA HLAHAI 144:4

Mihriam hi chanlamboi chian ang kha a nia; A hring sûng sûnhai hi irhlîm intân ang hi a ni.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 30:19

Nangni Zion tânga mi Jerusalem khuaa omhaio, chap nôk ta no chin ni; changpui innanga nin khêk irhâi an hriatin chu nangni inren a ta, nangni donsui a ti.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

ISAIA 60:20

Nangma hrangin chu misa tâk ta ngai no nia, tha khom inlang loi nî om ual no ni. Rengpa kha ni kumtuang vâr ni a ta, lusûnna nei ta no chi ni.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

JEREMIA 31:12

Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

JEREMIA 31:13

Dôngmate chu raifânin lâm a ta, ruatharte le tarhai khom lôm an ta, an chardongna lômna inchangtir pehai ki ta, an beidongna irtharngam sakhai ki ti.

HOSEA 13:14

Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning.

MATHAIA 24:35

Irnêng le irvân boi a ta, ki thu chu boi no ni.

1 KORINTH 15:26

Râl hnungkhôn tak inhne hrang chu thina hi a ni.

1 KORINTH 7:31

hi rammual hmangtuhai chu hmang ta hrai loia an om theina hrangin zoro hi inbongin a iom a ni; hi rammual om dân hi a irhmang thiai a ni hi.

2 KORINTH 5:17

Tukhom, Kristaa a omin chu, thilsiamthar a hong nia, thil miluihai chu a boia, irngai u ta, a hong thar ta.

2 KORINTH 6:17

Khasikin, “Anni laia irthokin hong suak unglân, A bingin om roi, Thil porinche rêng rêng tôn no roi, Rengpa’n a ti. Khanchu, nangni pom ki ti.

HEBRAI toc2 HEBRAI 12:27

Khan, “Voikhat nôk” ti hin thil inhnîng thei loihai an om mai theina hrangin thil siamhai kha inhnîngin thon paiin om an ti, ti a inlang a ni.

2 PETERA toc2 2 PETERA 3:10

Rengpa Nikhua chu inru angin a zuang itung ngêt hrang a ni. Kha tika chu irhai inring tak le irvân khi kâng irhmang zit a ta; irnêng le a sûnga thil om murdi khom irhmang zit a ti.

1 JOHANA 2:17

Rammual hi a’rzuknahai pumin a hong iboi thiai a ni, khannisian, Pathian nuamlam thotu chu kumkhua’n om mai a ti.

THUPHUANG 20:13

Khanchu, tuikhanglian khan a sûnga mithi omhai kha an suaktira, thina le mithi khua khan an sûnga mithi omhai an insua saa, an rêngin an sintho ang sengin roirêl pêkin an om tâka.

THUPHUANG 20:14

Kha hnung chu thina le mithi khua kha meidîla an pai thâk ta. (Meidîl kha thi inhnina a ni).

THUPHUANG 21:1

Khan, irvân thar le irnêng thar ki hmua; irvân masa le irnêng masa kha a boi tâka, tuikhanglian khom om ta mah.

THUPHUANG 22:3

Khopuia khan Pathian khomâksâm rêng rêng om ta no ni. Pathian le Belrate rêngtoihmun kha om ta a ta, a suakhai khan chubai mûk an ti.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.