THUPHUANG 21:27 - PATHIAN LEKHABU IRTHIANG C.L. Bible (BSI)

²⁷ Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.

THUPHUANG 21:27 ပူးပေါင်းရင်းမြစ်များ

INPÂKNA HLAHAI 101:8

A nitin hi rama mi siahai murdi hi inboipai ki ta; Rengpa khopui ata hi thil tho’nsualtuhai murdi inboipai hrangin. Intak tuangtu chongchaina a sôla, Rengpa makunga a lungzîng thu an sîr laia khan.

FESUAKNA 32:32

Ngaihoi takin an sualna ngaidamin lân; khan ni ngaidam nuam zel no’n chu, ni mihai irhming chuangna bu ata kha, ki’rhming khom kâtpai ro,” a tia.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

EZEKIELA 44:9

Rengpa Pathianin hiang hin a ti a ni: Mi râlhai lungrîla sertan loi, taksa khoma sertan loi mi râlhai i ang khom Israel irchihai laia lei om tâkhai khom chu, ki hmun irthianga khan an ilût hrang ni ma,” a tia.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

LEVI DÂN 13:46

Kha pân saloi inthak kha a nei sûng chu a porinchea, mi dang kôla om loiin dâi pên tiang a iom hrang a ni.

ZAKARIA 14:21

Jerusalem le Judai ram murdia bêl le bûrhai chu Rengpa Pathian biakna hranga ison ni ta a ti. Thilinhlan inhlantuhaiin thilinhlan hmêhai suangna hrangin hmang an ti. Kha zoro kha a hong tung tena chu Rengpa Pathian tempila khan Kanaan mihai rêng rêng om ta no nihai.

NAMBAR 12:15

Khanchu Miriami chu riakbuk pên tiang sûn sari a’rkhuma, Miriami kha an hruai inlûttir nôk mâka chu mipuihai kha irthon mahai.

NAMBAR 5:3

Hianga porinchehai hi chu kêlsuapaihai ro, ki mihai laia ki omna riakbuk kha an porinchetir loina hrangin,” tiin.

MATHAIA 13:41

Mihriam Nâipa’n vântîrtônhai kha tîr a ta, a Ram ata mi, sual inthotir ngaihai le sualtho ngaihai kha bûm an ta,

MARKA 7:2

Khahai khan Jisua irchutirhai senkhatin kut sôp loia fâk an izong an lei hmu tâka.

LUKA 10:20

Aniachu, irthahai nin irchamin an om sika hin lôm no roi, irvâna nin irhming irziak a ni sikin lôm ual roi,” a tia.

EFESI 5:5

Irdit uar hai, mi porinche hai, mi huatirham (Kha kha millim biak tihna a ni); kha mihai khan Krista le Pathian Rama khan dongtum nei viat mahai ti inhre fel roi.

FILIPI 4:3

Nang khom, ki ringkol irbunpui iamom tak, kha nupanghai kha changpui hrangin nang ki ngên a ni; anni khan Klemena le Hringna Bua irhming chuang danghai le, Thurchi Sa hrilna sina ni sinpui intam ngai an ni.

1 TIMOTHEA toc2 1 TIMOTHEA 1:10

irdit uarhai le mongkohur hai, mihriam inrûk uarhai le milak hai, milak thoa mâni thurchi dikloi taka insîrhai, thurin det insîr loi lama sintho murdihai hranga siam a ni ual.

HEBRAI toc2 HEBRAI 12:14

Mi tin leh irngeia lêng tum unglân, irthiangna nei tum sa roi; kha irthiangna boiin tûte’n Rengpa hmu thei no ni.

2 PETERA toc2 2 PETERA 3:13

Khannisianlân, Pathian inkung, irnêng thar le irvân thar, a sûnga felna omna kha, ei inghâk a ni.

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.